2. අකාලචීවරසික්ඛාපදවණ්ණනා
යං අත්තනා ලද්ධං, තං නිස්සග්ගියං හොතීති යං චීවරං භාජාපිතාය අත්තනා ලද්ධං, තමෙව නිස්සග්ගියං හොති, තං විනයකම්මං කත්වාපි අත්තනා න ලබ්භති. තෙනාහ ‘‘නිස්සට්ඨ’’න්තිආදි. තත්ථ නිස්සට්ඨං පටිලභිත්වාපීති ‘‘අය්‍යාය, දම්මී’’ති එවං නිස්සට්ඨං පටිලභිත්වාපි. යථාදානෙයෙව උපනෙතබ්බන්ති යථා දායකෙහි දින්නං, තථෙව උපනෙතබ්බං, අකාලචීවරපක්ඛෙයෙව ඨපෙතබ්බන්ති වුත්තං හොති.
අකාලචීවරසික්ඛාපදවණ්ණනා නිට්ඨිතා.