41-42. අනාහටසික්ඛාපදවණ්ණනා
සකලං හත්ථන්ති සකලා අඞ්ගුලියො. හත්ථසද්දො චෙත්ථ තදෙකදෙසෙසු අඞ්ගුලීසු දට්ඨබ්බො ‘‘හත්ථමුද්දා’’තිආදීසු විය. එවඤ්ච කත්වා සබ්බග්ගහණං සමත්ථිතං හොති. අඤ්ඤථා සකලං හත්ථං මුඛෙ පවෙසෙතුමසක්කුණෙය්‍යත්තා සබ්බග්ගහණමසමත්ථිතමෙව සියා. සමුදායෙ පවත්තස්ස ච වොහාරස්ස අවයවෙපි පවත්තනතො එකඞ්ගුලිම්පි තතො එකදෙසම්පි මුඛෙ පක්ඛිපිතුං න වට්ටති.
අනාහටසික්ඛාපදවණ්ණනා නිට්ඨිතා.