2. දුතියානියතසික්ඛාපදවණ්ණනා

දුතියෙ ඉත්ථීපි පුරිසොපි යො කොචි විඤ්ඤූ අනන්ධො අබධිරො අන්තොද්වාදසහත්ථෙ ඔකාසෙ ඨිතො වා නිසින්නො වා වික්ඛිත්තොපි නිද්දායන්තොපි අනාපත්තිං කරොති. බධිරො පන චක්ඛුමාපි, අන්ධො වා අබධිරොපි න කරොති. පාරාජිකාපත්තිඤ්ච පරිහාපෙත්වා දුට්ඨුල්ලවාචාපත්ති වුත්තාති අයං විසෙසො. සෙසං පුරිමනයෙනෙව වෙදිතබ්බං. සමුට්ඨානාදීනි පනෙත්ථ අදින්නාදානසදිසානෙවාති.

දුතියානියතසික්ඛාපදවණ්ණනා නිට්ඨිතා.

උද්දිට්ඨා ඛොතිආදි සබ්බත්ථ වුත්තනයෙනෙව වෙදිතබ්බං.

කඞ්ඛාවිතරණියා පාතිමොක්ඛවණ්ණනාය

අනියතවණ්ණනා නිට්ඨිතා.