5. අඤ්ඤචෙතාපනසික්ඛාපදවණ්ණනා

පඤ්චමෙ අඤ්ඤං චෙතාපෙත්වාති අත්තනො කප්පියභණ්ඩෙන ‘‘ඉදං නාම ආහරා’’ති අඤ්ඤං පරිවත්තාපෙත්වා. අඤ්ඤං චෙතාපෙය්‍යාති ‘‘එවං මෙ ඉදං දත්වා අඤ්ඤම්පි ආහරිස්සතී’’ති මඤ්ඤමානා ‘‘න මෙ ඉමිනා අත්ථො, ඉදං නාම මෙ ආහරා’’ති තතො අඤ්ඤං චෙතාපෙය්‍ය. තස්සා චෙතාපනප්පයොගෙ දුක්කටං, පටිලාභෙන තෙන වා අඤ්ඤෙන වා මූලෙන ආහටං නිස්සග්ගියං හොති, සෙසං චතුත්ථසදිසමෙවාති.

අඤ්ඤචෙතාපනසික්ඛාපදවණ්ණනා නිට්ඨිතා.