10. සික්ඛංපච්චාචික්ඛණසික්ඛාපදවණ්ණනා

දසමෙ කිංනුමාව සමණියොති කිංනු ඉමා එව සමණියො. තාසාහන්ති තාසං අහං. යාවතතියකපදත්ථො භික්ඛුපාතිමොක්ඛවණ්ණනායං (කඞ්ඛා. අට්ඨ. නිගමනවණ්ණනා), අවසෙසවිනිච්ඡයො ච තත්ථෙව සඞ්ඝභෙදසික්ඛාපදවණ්ණනායං වුත්තනයෙනෙව වෙදිතබ්බො, ඉදං පන සාවත්ථියං චණ්ඩකාළිභික්ඛුනිං (පාචි. 709) ආරබ්භ ‘‘බුද්ධං පච්චාචික්ඛාමී’’තිආදිවචනවත්ථුස්මිං පඤ්ඤත්තං, එවං වචනමෙව චෙත්ථ චතූසු අඞ්ගෙසු පඨමං අඞ්ගන්ති අයං විසෙසො, සෙසං තාදිසමෙවාති.

සික්ඛංපච්චාචික්ඛණසික්ඛාපදවණ්ණනා නිට්ඨිතා.