7. අභිඤ්ඤෙය්‍යාදිවාරවණ්ණනා
1030. ‘‘රුප්පනලක්ඛණං රූපං, අනුභවනලක්ඛණා වෙදනා’’තිආදිනා සාමඤ්ඤලක්ඛණපරිග්ගාහිකා. ‘‘ඵුසනලක්ඛණො ඵස්සො, සාතලක්ඛණං සුඛ’’න්තිආදිනා විසෙසලක්ඛණපරිග්ගාහිකා.
‘‘චත්තාරො ඛන්ධා සියා කුසලා’’තිආදීසු ඉධ යං වත්තබ්බං, තං ඛන්ධවිභඞ්ගාදීසු වුත්තං, තස්මා තත්ථ වුත්තනයෙනෙව ගහෙතබ්බන්ති අධිප්පායො. සෙසං යදෙත්ථ න වුත්තං, තං සුවිඤ්ඤෙය්‍යමෙවාති.
අභිඤ්ඤෙය්‍යාදිවාරවණ්ණනා නිට්ඨිතා.
ධම්මහදයවිභඞ්ගවණ්ණනා නිට්ඨිතා.
ඉති සම්මොහවිනොදනියා ටීකාය ලීනත්ථවණ්ණනා
විභඞ්ග-අනුටීකා සමත්තා.