3. පඤ්හපුච්ඡකවණ්ණනා
150. තං තං සමුදායන්ති තං තං චිත්තුප්පාදසඞ්ඛාතධම්මසමුදායං, අනවසෙසරූපධම්මසමුදායඤ්ච. යථාසම්භවන්ති චොපනං පත්තො සංවරො ඡට්ඨද්වාරෙ, ඉතරො ඡසුපීති එවං යථාසම්භවං. තතොති අභිජ්ඣාදොමනස්සාදිතො. යථායොගන්ති යො සංවරිතබ්බො, තදනුරූපං.
කත්ථචීති තෙ එව පරිවට්ටෙ සාමඤ්ඤෙන වදති. කත්ථචීති වා තෙසු පරිවට්ටෙසු කිස්මිඤ්චිපි පදෙසෙ. කිඤ්චිපි අප්පකම්පි. එකොව පරිච්ඡෙදො, න ආයතනවිභඞ්ගාදීසු විය නානාති අධිප්පායො.
පඤ්හපුච්ඡකවණ්ණනා නිට්ඨිතා.
ඛන්ධවිභඞ්ගවණ්ණනා නිට්ඨිතා.