7. අභිඤ්ඤෙය්‍යාදිවාරවණ්ණනා
1030. ‘‘රුප්පනලක්ඛණං රූපං, ඵුසනලක්ඛණො ඵස්සො’’තිආදිනා සාමඤ්ඤවිසෙසලක්ඛණපරිග්ගාහිකා සලක්ඛණපරිග්ගාහිකා දිට්ඨිකඞ්ඛාවිතරණවිසුද්ධියො ඤාතපරිඤ්ඤා, තතො පරං යාව අනුලොමා තීරණපරිඤ්ඤා, උදයබ්බයානුපස්සනතො පට්ඨාය යාව මග්ගා පහානපරිඤ්ඤා.
තත්ථ තත්ථාති ඛන්ධාදීනං තාව ඛන්ධවිභඞ්ගාදීසු පඤ්හපුච්ඡකවාරෙ වත්තබ්බං වුත්තං, හෙතුආදීනඤ්ච ඛන්ධාදීසු අන්තොගධත්තා තත්ථ තත්ථ පඤ්හපුච්ඡකවාරෙ වත්තබ්බං වුත්තමෙවාති දට්ඨබ්බං.
අභිඤ්ඤෙය්‍යාදිවාරවණ්ණනා නිට්ඨිතා.
ධම්මහදයවිභඞ්ගවණ්ණනා නිට්ඨිතා.
ඉති සම්මොහවිනොදනියා ලීනත්ථපදවණ්ණනා
විභඞ්ග-මූලටීකා සමත්තා.
නමො තස්ස භගවතො අරහතො සම්මාසම්බුද්ධස්ස