(6.) ඡක්කනිද්දෙසවණ්ණනා

805. විසුද්ධිභාවං දස්සෙන්තො ‘‘දූර…පෙ… රම්මණායා’’ති ආහ. සොතධාතුවිසුද්ධීති ච චිත්තචෙතසිකා ධම්මා වුත්තාති තත්ථ ඤාණං සොතධාතුවිසුද්ධියා ඤාණං. ‘‘චෙතොපරියඤාණ’’න්ති ඉදමෙව අත්ථවසෙන ‘‘පරචිත්තෙ ඤාණ’’න්ති උද්ධටන්ති දට්ඨබ්බං. චුතූපපාතඤාණස්ස දිබ්බචක්ඛුඤාණෙකදෙසත්තා ‘‘වණ්ණධාතුආරම්මණා’’ති වුත්තං. මුද්ධප්පත්තෙන චුතූපපාතඤාණසඞ්ඛාතෙන දිබ්බචක්ඛුඤාණෙන සබ්බං දිබ්බචක්ඛුඤාණන්ති වුත්තන්ති දට්ඨබ්බං.

ඡක්කනිද්දෙසවණ්ණනා නිට්ඨිතා.