සුද්ධායතනමූලචක්කවාරො

අනුලොමං

චක්ඛු ආයතනං, ආයතනා සොතං…පෙ….

චක්ඛු ආයතනං, ආයතනා ධම්මො.

සොතං ආයතනං, ආයතනා චක්ඛු…පෙ….

සොතං ආයතනං, ආයතනා ධම්මො.

ඝානං ආයතනං, ආයතනා චක්ඛු…පෙ….

ඝානං ආයතනං, ආයතනා ධම්මො…පෙ….

ධම්මො ආයතනං, ආයතනා චක්ඛු.

ධම්මො ආයතනං, ආයතනා සොතං…පෙ….

ධම්මො ආයතනං, ආයතනා මනො. (චක්කං බන්ධිතබ්බං.)

පච්චනීකං

න චක්ඛු නායතනං, නායතනා න සොතං…පෙ….

න චක්ඛු නායතනං, නායතනා න ධම්මො.

න සොතං නායතනං, නායතනා න චක්ඛු…පෙ….

න සොතං නායතනං, නායතනා න ධම්මො.

න ඝානං නායතනං, නායතනා න චක්ඛු…පෙ….

න ඝානං නායතනං, නායතනා න ධම්මො…පෙ….

න ධම්මො නායතනං, නායතනා න චක්ඛු.

න ධම්මො නායතනං, නායතනා න සොතං…පෙ….

න ධම්මො නායතනං, නායතනා න මනො. (චක්කං බන්ධිතබ්බං.)

ආයතනයමකමාතිකා නිට්ඨිතා.