10. ආසවක්ඛයසුත්තං
490. ‘‘පඤ්චිමානි, භික්ඛවෙ, ඉන්ද්‍රියානි. කතමානි පඤ්ච? සද්ධින්ද්‍රියං…පෙ… පඤ්ඤින්ද්‍රියං – ඉමානි ඛො, භික්ඛවෙ, පඤ්චින්ද්‍රියානි. ඉමෙසං ඛො, භික්ඛවෙ, පඤ්චන්නං ඉන්ද්‍රියානං භාවිතත්තා බහුලීකතත්තා භික්ඛු ආසවානං ඛයා අනාසවං චෙතොවිමුත්තිං පඤ්ඤාවිමුත්තිං දිට්ඨෙව ධම්මෙ සයං අභිඤ්ඤා සච්ඡිකත්වා උපසම්පජ්ජ විහරතී’’ති. දසමං.
මුදුතරවග්ගො දුතියො.
තස්සුද්දානං –
පටිලාභො තයො සංඛිත්තා, විත්ථාරා අපරෙ තයො;
පටිපන්නො ච සම්පන්නො [පටිපන්නො චූපසමො (ස්‍යා. කං. පී. ක.)], දසමං ආසවක්ඛයන්ති.