2-7. සංයොජනප්පහානාදිසුත්තඡක්කං
42-47. ‘‘සචෙ වො, භික්ඛවෙ, අඤ්ඤතිත්ථියා පරිබ්බාජකා එවං පුච්ඡෙය්‍යුං – ‘කිමත්ථියං, ආවුසො, සමණෙ ගොතමෙ බ්‍රහ්මචරියං වුස්සතී’ති, එවං පුට්ඨා තුම්හෙ, භික්ඛවෙ, තෙසං අඤ්ඤතිත්ථියානං පරිබ්බාජකානං එවං බ්‍යාකරෙය්‍යාථ – ‘සංයොජනප්පහානත්ථං ඛො, ආවුසො, භගවති බ්‍රහ්මචරියං වුස්සතී’ති…පෙ… ‘අනුසයසමුග්ඝාතනත්ථං ඛො, ආවුසො, භගවති බ්‍රහ්මචරියං වුස්සතී’ති…පෙ… ‘අද්ධානපරිඤ්ඤත්ථං ඛො, ආවුසො, භගවති බ්‍රහ්මචරියං වුස්සතී’ති…පෙ… ‘ආසවානං ඛයත්ථං ඛො, ආවුසො, භගවති බ්‍රහ්මචරියං වුස්සතී’ති…පෙ… ‘විජ්ජාවිමුත්තිඵලසච්ඡිකිරියත්ථං ඛො, ආවුසො, භගවති බ්‍රහ්මචරියං වුස්සතී’ති…පෙ… ‘ඤාණදස්සනත්ථං ඛො, ආවුසො, භගවති බ්‍රහ්මචරියං වුස්සතී’ති…පෙ…. සත්තමං.