9. පඨමබ්රහ්මචරියසුත්තං
39. සාවත්ථිනිදානං. ‘‘බ්රහ්මචරියඤ්ච වො, භික්ඛවෙ, දෙසෙස්සාමි, බ්රහ්මචරියඵලානි ච. තං සුණාථ. කතමඤ්ච, භික්ඛවෙ, බ්රහ්මචරියං? අයමෙව අරියො අට්ඨඞ්ගිකො මග්ගො, සෙය්යථිදං – සම්මාදිට්ඨි…පෙ… සම්මාසමාධි. ඉදං වුච්චති, භික්ඛවෙ, බ්රහ්මචරියං. කතමානි ච, භික්ඛවෙ, බ්රහ්මචරියඵලානි? සොතාපත්තිඵලං, සකදාගාමිඵලං, අනාගාමිඵලං, අරහත්තඵලං – ඉමානි වුච්චන්ති, භික්ඛවෙ, බ්රහ්මචරියඵලානී’’ති. නවමං.