5. අක්කොධසුත්තවණ්ණනා

271. පඤ්චමෙ මා වො කොධො අජ්ඣභවීති කොධො තුම්හෙ මා අභිභවි, තුම්හෙව කොධං අභිභවථ. මා ච කුජ්ඣිත්ථ කුජ්ඣිතන්ති කුජ්ඣන්තානං මා පටිකුජ්ඣිත්ථ. අක්කොධොති මෙත්තා ච මෙත්තාපුබ්බභාගො ච. අවිහිංසාති කරුණා ච කරුණාපුබ්බභාගො ච. අථ පාපජනං කොධො, පබ්බතොවාභිමද්දතීති ලාමකජනං පබ්බතො විය කොධො අභිමද්දතීති. පඤ්චමං.

තතියො වග්ගො.

සක්කසංයුත්තවණ්ණනා නිට්ඨිතා.

ඉති සාරත්ථප්පකාසිනියා සංයුත්තනිකාය-අට්ඨකථාය

සගාථාවග්ගවණ්ණනා නිට්ඨිතා.

සංයුත්තනිකාය-අට්ඨකථාය පඨමො භාගො.