පබ්බජිතවණ්ණනා
52. භණ්ඩුන්ති මුණ්ඩං. ඉමම්පිස්ස පුරිමනයෙනෙව බ්‍රහ්මානො දස්සෙසුං. සාධු ධම්මචරියාතිආදීසු අයං දෙව ධම්මචරණභාවො සාධූති චින්තෙත්වා පබ්බජිතොති එවං එකමෙකස්ස පදස්ස යොජනා වෙදිතබ්බා. සබ්බානි චෙතානි දසකුසලකම්මපථවෙවචනානෙව. අවසානෙ පන අවිහිංසාති කරුණාය පුබ්බභාගො. අනුකම්පාති මෙත්තාය පුබ්බභාගො. තෙනහීති උය්‍යොජනත්ථෙ නිපාතො. පබ්බජිතං හිස්ස දිස්වා චිත්තං පබ්බජ්ජාය නින්නං ජාතං. අථ තෙන සද්ධිං කථෙතුකාමො හුත්වා සාරථිං උය්‍යොජෙන්තො තෙන හීතිආදිමාහ.