4. සඞ්ඛාරක්ඛන්ධනිද්දෙසො

20. සඞ්ඛාරක්ඛන්ධනිද්දෙසෙ යෙ කෙචි සඞ්ඛාරාති චතුභූමිකසඞ්ඛාරෙ පරියාදියති. චක්ඛුසම්ඵස්සජා චෙතනාතිආදීනි අතීතාදිවසෙන නිද්දිට්ඨසඞ්ඛාරෙ සභාවතො දස්සෙතුං වුත්තානි. චක්ඛුසම්ඵස්සජාතිආදීනි වුත්තත්ථානෙව. චෙතනාති හෙට්ඨිමකොටියා පධානසඞ්ඛාරවසෙන වුත්තං. හෙට්ඨිමකොටියා හි අන්තමසො චක්ඛුවිඤ්ඤාණෙන සද්ධිං පාළියං ආගතා චත්තාරො සඞ්ඛාරා උප්පජ්ජන්ති. තෙසු චෙතනා පධානා ආයූහනට්ඨෙන පාකටත්තා. තස්මා අයමෙව ගහිතා. තංසම්පයුත්තසඞ්ඛාරා පන තාය ගහිතාය ගහිතාව හොන්ති. ඉධාපි පුරිමා පඤ්ච චක්ඛුපසාදාදිවත්ථුකාව. මනොසම්ඵස්සජා හදයවත්ථුකාපි අවත්ථුකාපි. සබ්බා චතුභූමිකචෙතනා. සෙසං වෙදනාක්ඛන්ධසදිසමෙවාති.

අයං සඞ්ඛාරක්ඛන්ධනිද්දෙසො.