7. සීලං අචෙතසිකන්තිකථාවණ්ණනා

590-594. ඉදානි සීලං අචෙතසිකන්තිකථා නාම හොති. තත්ථ යස්මා සීලෙ උප්පජ්ජිත්වා නිරුද්ධෙපි සමාදානහෙතුකො සීලොපචයො නාම අත්ථි, යෙන සො සීලවායෙව නාම හොති, තස්මා ‘‘සීලං අචෙතසික’’න්ති යෙසං ලද්ධි, සෙය්‍යථාපි මහාසංඝිකානං, තෙ සන්ධාය පුච්ඡා සකවාදිස්ස, පටිඤ්ඤා ඉතරස්ස. සෙසමෙත්ථ ‘‘දානං අචෙතසික’’න්තිකථායං වුත්තනයෙනෙව වෙදිතබ්බං. ලද්ධිපතිට්ඨාපනම්පි අයොනිසො ගහිතත්තා අප්පතිට්ඨාපනමෙවාති.

සීලං අචෙතසිකන්තිකථාවණ්ණනා.