5. පඤ්චවිඤ්ඤාණා සාභොගාතිකථාවණ්ණනා
584-586. ඉදානි පඤ්චවිඤ්ඤාණා සාභොගාතිකථා නාම හොති. තත්ථ ආභොගො නාම කුසලාකුසලවසෙන හොති සත්ථාරා ච ‘‘චක්ඛුනා රූපං දිස්වා නිමිත්තග්ගාහී හොති, න නිමිත්තග්ගාහී හොතී’’තිආදි වුත්තං, තං අයොනිසො ගහෙත්වා ‘‘පඤ්චවිඤ්ඤාණා සාභොගා’’ති යෙසං ලද්ධි, සෙය්යථාපි මහාසංඝිකානං, තෙ සන්ධාය පුච්ඡා සකවාදිස්ස, පටිඤ්ඤා ඉතරස්ස. සෙසමෙත්ථ පුරිමකථාසදිසමෙවාති.
පඤ්චවිඤ්ඤාණා සාභොගාතිකථාවණ්ණනා.