9. ජාණුස්සොණිසුත්තවණ්ණනා
60. නවමෙ යස්සස්සූති යස්ස භවෙය්යුං. යඤ්ඤොතිආදීසු යජිතබ්බොති යඤ්ඤො, දෙය්යධම්මස්සෙතං නාමං. සද්ධන්ති මතකභත්තං. ථාලිපාකොති වරපුරිසානං දාතබ්බයුත්තං භත්තං. දෙය්යධම්මන්ති වුත්තාවසෙසං යංකිඤ්චි දෙය්යධම්මං නාම. තෙවිජ්ජෙසු බ්රාහ්මණෙසු දානං දදෙය්යාති සබ්බමෙතං දානං තෙවිජ්ජෙසු දදෙය්ය, තෙවිජ්ජා බ්රාහ්මණාව පටිග්ගහෙතුං යුත්තාති දස්සෙති. සෙසමෙත්ථ හෙට්ඨා වුත්තනයමෙවාති.