8. අක්කොසකසුත්තවණ්ණනා
88. අට්ඨමෙ අක්කොසකපරිභාසකො අරියූපවාදී සබ්‍රහ්මචාරිනන්ති එත්ථ සබ්‍රහ්මචාරිපදං අක්කොසකපරිභාසකපදෙහි යොජෙතබ්බං ‘‘අක්කොසකො සබ්‍රහ්මචාරීනං, පරිභාසකො සබ්‍රහ්මචාරීන’’න්ති. අරියානං පන ගුණෙ ඡින්දිස්සාමීති අන්තිමවත්ථුනා උපවදන්තො අරියූපවාදී නාම හොති. සද්ධම්මස්ස න වොදායන්තීති සික්ඛාත්තයසඞ්ඛාතා සාසනසද්ධම්මා අස්ස වොදානං න ගච්ඡන්ති. රොගාතඞ්කන්ති එත්ථ රොගොව කිච්ඡාජීවිතභාවකරණෙන ආතඞ්කොති වෙදිතබ්බො.