3. සුද්ධින්ද්‍රියවාරො
(ක) අනුලොමං
140. (ක) චක්ඛු ඉන්ද්‍රියන්ති? ආමන්තා.
(ඛ) ඉන්ද්‍රියා චක්ඛුන්ද්‍රියන්ති?
චක්ඛුන්ද්‍රියං ඉන්ද්‍රියඤ්චෙව චක්ඛුන්ද්‍රියඤ්ච. අවසෙසා ඉන්ද්‍රියා න චක්ඛුන්ද්‍රියං.
(ක) සොතං ඉන්ද්‍රියන්ති?
යං සොතං ඉන්ද්‍රියං තං සොතඤ්චෙව ඉන්ද්‍රියඤ්ච. අවසෙසං සොතං න ඉන්ද්‍රියං.
(ඛ) ඉන්ද්‍රියා සොතින්ද්‍රියන්ති? සොතින්ද්‍රියං ඉන්ද්‍රියඤ්චෙව සොතින්ද්‍රියඤ්ච. අවසෙසා ඉන්ද්‍රියා න සොතින්ද්‍රියං.
(ක) ඝානං ඉන්ද්‍රියන්ති? ආමන්තා.
(ඛ) ඉන්ද්‍රියා ඝානින්ද්‍රියන්ති?
ඝානින්ද්‍රියං ඉන්ද්‍රියඤ්චෙව ඝානින්ද්‍රියඤ්ච. අවසෙසා ඉන්ද්‍රියා න ඝානින්ද්‍රියං.
(ක) ජිව්හා ඉන්ද්‍රියන්ති? ආමන්තා.
(ඛ) ඉන්ද්‍රියා ජිව්හින්ද්‍රියන්ති?
ජිව්හින්ද්‍රියං ඉන්ද්‍රියඤ්චෙව ජිව්හින්ද්‍රියඤ්ච. අවසෙසා ඉන්ද්‍රියා න ජිව්හින්ද්‍රියං.
(ක) කායො ඉන්ද්‍රියන්ති?
යො කායො ඉන්ද්‍රියං සො කායො චෙව ඉන්ද්‍රියඤ්ච. අවසෙසො කායො න ඉන්ද්‍රියා.
(ඛ) ඉන්ද්‍රියා කායින්ද්‍රියන්ති?
කායින්ද්‍රියං ඉන්ද්‍රියඤ්චෙව කායින්ද්‍රියඤ්ච. අවසෙසා ඉන්ද්‍රියා න කායින්ද්‍රියං.
(ක) මනො ඉන්ද්‍රියන්ති? ආමන්තා.
(ඛ) ඉන්ද්‍රියා මනින්ද්‍රියන්ති?
මනින්ද්‍රියං ඉන්ද්‍රියඤ්චෙව මනින්ද්‍රියඤ්ච. අවසෙසා ඉන්ද්‍රියා න මනින්ද්‍රියං.
(ක) ඉත්ථී ඉන්ද්‍රියන්ති? නො.
(ඛ) ඉන්ද්‍රියා ඉත්ථින්ද්‍රියන්ති?
ඉත්ථින්ද්‍රියං ඉන්ද්‍රියඤ්චෙව ඉත්ථින්ද්‍රියඤ්ච. අවසෙසා ඉන්ද්‍රියා න ඉත්ථින්ද්‍රියං.
(ක) පුරිසො ඉන්ද්‍රියන්ති? නො.
(ඛ) ඉන්ද්‍රියා පුරිසින්ද්‍රියන්ති?
පුරිසින්ද්‍රියං ඉන්ද්‍රියඤ්චෙව පුරිසින්ද්‍රියඤ්ච. අවසෙසා ඉන්ද්‍රියා න පුරිසින්ද්‍රියං.
(ක) ජීවිතං ඉන්ද්‍රියන්ති? ආමන්තා.
(ඛ) ඉන්ද්‍රියා ජීවිතින්ද්‍රියන්ති?
ජීවිතින්ද්‍රියං ඉන්ද්‍රියඤ්චෙව ජීවිතින්ද්‍රියඤ්ච. අවසෙසා ඉන්ද්‍රියා න ජීවිතින්ද්‍රියං.
(ක) සුඛං ඉන්ද්‍රියන්ති? ආමන්තා.
(ඛ) ඉන්ද්‍රියා සුඛින්ද්‍රියන්ති?
සුඛින්ද්‍රියං ඉන්ද්‍රියඤ්චෙව සුඛින්ද්‍රියඤ්ච. අවසෙසා ඉන්ද්‍රියා න සුඛින්ද්‍රියං.
(ක) දුක්ඛං ඉන්ද්‍රියන්ති? ආමන්තා.
(ඛ) ඉන්ද්‍රියා දුක්ඛින්ද්‍රියන්ති?
දුක්ඛින්ද්‍රියං ඉන්ද්‍රියඤ්චෙව දුක්ඛින්ද්‍රියඤ්ච. අවසෙසා ඉන්ද්‍රියා න දුක්ඛින්ද්‍රියං.
(ක) සොමනස්සං ඉන්ද්‍රියන්ති? ආමන්තා.
(ඛ) ඉන්ද්‍රියා සොමනස්සින්ද්‍රියන්ති?
සොමනස්සින්ද්‍රියං ඉන්ද්‍රියඤ්චෙව සොමනස්සින්ද්‍රියඤ්ච. අවසෙසා ඉන්ද්‍රියා න සොමනස්සින්ද්‍රියං.
(ක) දොමනස්සං ඉන්ද්‍රියන්ති? ආමන්තා.
(ක) ඉන්ද්‍රියා දොමනස්සින්ද්‍රියන්ති?
දොමනස්සින්ද්‍රියං ඉන්ද්‍රියඤ්චෙව දොමනස්සින්ද්‍රියඤ්ච. අවසෙසා ඉන්ද්‍රියා න දොමනස්සින්ද්‍රියං.
(ක) උපෙක්ඛා ඉන්ද්‍රියන්ති?
යා උපෙක්ඛා ඉන්ද්‍රියං සා උපෙක්ඛා චෙව ඉන්ද්‍රියඤ්ච. අවසෙසා උපෙක්ඛා න ඉන්ද්‍රියං.
(ඛ) ඉන්ද්‍රියා උපෙක්ඛින්ද්‍රියන්ති?
උපෙක්ඛින්ද්‍රියං ඉන්ද්‍රියඤ්චෙව උපෙක්ඛින්ද්‍රියඤ්ච. අවසෙසා ඉන්ද්‍රියා න උපෙක්ඛින්ද්‍රියං.
(ක) සද්ධා ඉන්ද්‍රියන්ති? ආමන්තා.
(ඛ) ඉන්ද්‍රියා සද්ධින්ද්‍රියන්ති?
සද්ධින්ද්‍රියං ඉන්ද්‍රියඤ්චෙව සද්ධින්ද්‍රියඤ්ච. අවසෙසා ඉන්ද්‍රියා න සද්ධින්ද්‍රියං.
(ක) වීරියං ඉන්ද්‍රියන්ති? ආමන්තා.
(ඛ) ඉන්ද්‍රියා වීරියින්ද්‍රියන්ති?
වීරියින්ද්‍රියං ඉන්ද්‍රියඤ්චෙව වීරියින්ද්‍රියඤ්ච. අවසෙසා ඉන්ද්‍රියා න වීරියින්ද්‍රියං.
(ක) සති ඉන්ද්‍රියන්ති? ආමන්තා.
(ඛ) ඉන්ද්‍රියා සතින්ද්‍රියන්ති?
සතින්ද්‍රියං ඉන්ද්‍රියඤ්චෙව සතින්ද්‍රියඤ්ච. අවසෙසා ඉන්ද්‍රියා න සතින්ද්‍රියං.
(ක) සමාධි ඉන්ද්‍රියන්ති? ආමන්තා.
(ඛ) ඉන්ද්‍රියා සමාධින්ද්‍රියන්ති?
සමාධින්ද්‍රියං ඉන්ද්‍රියඤ්චෙව සමාධින්ද්‍රියඤ්ච. අවසෙසා ඉන්ද්‍රියා න සමාධින්ද්‍රියං.
(ක) පඤ්ඤා ඉන්ද්‍රියන්ති? ආමන්තා.
(ඛ) ඉන්ද්‍රියා පඤ්ඤින්ද්‍රියන්ති?
පඤ්ඤින්ද්‍රියං ඉන්ද්‍රියඤ්චෙව පඤ්ඤින්ද්‍රියඤ්ච. අවසෙසා ඉන්ද්‍රියා න පඤ්ඤින්ද්‍රියං.
(ක) අනඤ්ඤාතඤ්ඤස්සාමීති ඉන්ද්‍රියන්ති? ආමන්තා.
(ඛ) ඉන්ද්‍රියා අනඤ්ඤාතඤ්ඤස්සාමීතින්ද්‍රියන්ති?
අනඤ්ඤාතඤ්ඤස්සාමීතින්ද්‍රියං ඉන්ද්‍රියඤ්චෙව අනඤ්ඤාතඤ්ඤස්සාමීතින්ද්‍රියඤ්ච. අවසෙසා ඉන්ද්‍රියා න අනඤ්ඤාතඤ්ඤස්සාමීතින්ද්‍රියං.
(ක) අඤ්ඤං ඉන්ද්‍රියන්ති? ආමන්තා.
(ඛ) ඉන්ද්‍රියා අඤ්ඤින්ද්‍රියන්ති?
අඤ්ඤින්ද්‍රියං ඉන්ද්‍රියඤ්චෙව අඤ්ඤින්ද්‍රියඤ්ච. අවසෙසා ඉන්ද්‍රියා න අඤ්ඤින්ද්‍රියං.
(ක) අඤ්ඤාතාවී ඉන්ද්‍රියන්ති? ආමන්තා.
(ඛ) ඉන්ද්‍රියා අඤ්ඤාතාවින්ද්‍රියන්ති?
අඤ්ඤාතාවින්ද්‍රියං ඉන්ද්‍රියඤ්චෙව අඤ්ඤාතාවින්ද්‍රියඤ්ච. අවසෙසා ඉන්ද්‍රියා න අඤ්ඤාතාවින්ද්‍රියං.
(ඛ) පච්චනීකං
141. (ක) න චක්ඛු න ඉන්ද්‍රියන්ති?
චක්ඛුං ඨපෙත්වා අවසෙසා ඉන්ද්‍රියා න චක්ඛු, ඉන්ද්‍රියා. චක්ඛුඤ්ච ඉන්ද්‍රියෙ ච ඨපෙත්වා අවසෙසා න චෙව චක්ඛු න ච ඉන්ද්‍රියා.
(ඛ) න ඉන්ද්‍රියා න චක්ඛුන්ද්‍රියන්ති? ආමන්තා.
(ක) න සොතං න ඉන්ද්‍රියන්ති?
සොතං ඨපෙත්වා අවසෙසා ඉන්ද්‍රියා න සොතං, ඉන්ද්‍රියා. සොතඤ්ච ඉන්ද්‍රියෙ ච ඨපෙත්වා අවසෙසා න චෙව සොතං න ච ඉන්ද්‍රියා.
(ඛ) න ඉන්ද්‍රියා න සොතින්ද්‍රියන්ති? ආමන්තා.
(ක) න ඝානං න ඉන්ද්‍රියන්ති?
ඝානං ඨපෙත්වා අවසෙසා ඉන්ද්‍රියා න ඝානං, ඉන්ද්‍රියා. ඝානඤ්ච ඉන්ද්‍රියෙ ච ඨපෙත්වා අවසෙසා න චෙව ඝානං න ච ඉන්ද්‍රියා.
(ඛ) න ඉන්ද්‍රියා න ඝානින්ද්‍රියන්ති? ආමන්තා.
(ක) න ජිව්හා න ඉන්ද්‍රියන්ති?
ජිව්හං ඨපෙත්වා අවසෙසා ඉන්ද්‍රියා න ජිව්හා, ඉන්ද්‍රියා. ජිව්හඤ්ච ඉන්ද්‍රියෙ ච ඨපෙත්වා අවසෙසා න චෙව ජිව්හා න ච ඉන්ද්‍රියා.
(ඛ) න ඉන්ද්‍රියා න ජිව්හින්ද්‍රියන්ති? ආමන්තා.
(ක) න කායො න ඉන්ද්‍රියන්ති? ආමන්තා.
(ඛ) න ඉන්ද්‍රියා න කායින්ද්‍රියන්ති? ආමන්තා.
(ක) න මනො න ඉන්ද්‍රියන්ති?
මනං ඨපෙත්වා අවසෙසා ඉන්ද්‍රියා න මනො, ඉන්ද්‍රියා. මනඤ්ච ඉන්ද්‍රියෙ ච ඨපෙත්වා අවසෙසා න චෙව මනො න ච ඉන්ද්‍රියා.
(ඛ) න ඉන්ද්‍රියා න මනින්ද්‍රියන්ති? ආමන්තා.
(ක) න ඉත්ථී න ඉන්ද්‍රියන්ති?
ඉත්ථිං ඨපෙත්වා අවසෙසා ඉන්ද්‍රියා න ඉත්ථී, ඉන්ද්‍රියා. ඉත්ථිඤ්ච ඉන්ද්‍රියෙ ච ඨපෙත්වා අවසෙසා න චෙව ඉත්ථී න ච ඉන්ද්‍රියා.
(ඛ) න ඉන්ද්‍රියා න ඉත්ථින්ද්‍රියන්ති? ආමන්තා.
(ක) න පුරිසො න ඉන්ද්‍රියන්ති?
පුරිසං ඨපෙත්වා අවසෙසා ඉන්ද්‍රියා න පුරිසො, ඉන්ද්‍රියා. පුරිසඤ්ච ඉන්ද්‍රියෙ ච ඨපෙත්වා අවසෙසා න චෙව පුරිසො න ච ඉන්ද්‍රියා.
(ඛ) න ඉන්ද්‍රියා න පුරිසින්ද්‍රියන්ති? ආමන්තා.
(ක) න ජීවිතං න ඉන්ද්‍රියන්ති?
ජීවිතං ඨපෙත්වා අවසෙසා ඉන්ද්‍රියා න ජීවිතං, ඉන්ද්‍රියා. ජීවිතඤ්ච ඉන්ද්‍රියෙ ච ඨපෙත්වා අවසෙසා න චෙව ජීවිතං න ච ඉන්ද්‍රියා.
(ඛ) න ඉන්ද්‍රියා න ජීවිතින්ද්‍රියන්ති? ආමන්තා.
(ක) න සුඛං න ඉන්ද්‍රියන්ති?
සුඛං ඨපෙත්වා අවසෙසා ඉන්ද්‍රියා න සුඛං, ඉන්ද්‍රියා. සුඛඤ්ච ඉන්ද්‍රියෙ ච ඨපෙත්වා අවසෙසා න චෙව සුඛං න ච ඉන්ද්‍රියා.
(ඛ) න ඉන්ද්‍රියා න සුඛින්ද්‍රියන්ති? ආමන්තා.
(ක) න දුක්ඛං න ඉන්ද්‍රියන්ති?
දුක්ඛං ඨපෙත්වා අවසෙසා ඉන්ද්‍රියා න දුක්ඛං, ඉන්ද්‍රියා. දුක්ඛඤ්ච ඉන්ද්‍රියෙ ච ඨපෙත්වා අවසෙසා න චෙව දුක්ඛං න ච ඉන්ද්‍රියා.
(ඛ) න ඉන්ද්‍රියා න දුක්ඛින්ද්‍රියන්ති? ආමන්තා.
(ක) න සොමනස්සං න ඉන්ද්‍රියන්ති?
සොමනස්සං ඨපෙත්වා අවසෙසා ඉන්ද්‍රියා න සොමනස්සං, ඉන්ද්‍රියා. සොමනස්සඤ්ච ඉන්ද්‍රියෙ ච ඨපෙත්වා අවසෙසා න චෙව සොමනස්සං න ච ඉන්ද්‍රියා.
(ඛ) න ඉන්ද්‍රියා න සොමනස්සින්ද්‍රියන්ති? ආමන්තා.
(ක) න දොමනස්සං න ඉන්ද්‍රියන්ති?
දොමනස්සං ඨපෙත්වා අවසෙසා ඉන්ද්‍රියා න දොමනස්සං, ඉන්ද්‍රියා. දොමනස්සඤ්ච ඉන්ද්‍රියෙ ච ඨපෙත්වා අවසෙසා න චෙව දොමනස්සං න ච ඉන්ද්‍රියා.
(ඛ) න ඉන්ද්‍රියා න දොමනස්සින්ද්‍රියන්ති? ආමන්තා.
(ක) න උපෙක්ඛා න ඉන්ද්‍රියන්ති?
උපෙක්ඛං ඨපෙත්වා අවසෙසා ඉන්ද්‍රියා න උපෙක්ඛා, ඉන්ද්‍රියා. උපෙක්ඛඤ්ච ඉන්ද්‍රියෙ ච ඨපෙත්වා අවසෙසා න චෙව උපෙක්ඛා න ච ඉන්ද්‍රියා.
(ඛ) න ඉන්ද්‍රියා න උපෙක්ඛින්ද්‍රියන්ති? ආමන්තා.
(ක) න සද්ධා න ඉන්ද්‍රියන්ති?
සද්ධං ඨපෙත්වා අවසෙසා ඉන්ද්‍රියා න සද්ධා, ඉන්ද්‍රියා. සද්ධඤ්ච ඉන්ද්‍රියෙ ච ඨපෙත්වා අවසෙසා න චෙව සද්ධා න ච ඉන්ද්‍රියා.
(ඛ) න ඉන්ද්‍රියා න සද්ධින්ද්‍රියන්ති? ආමන්තා.
(ක) න වීරියං න ඉන්ද්‍රියන්ති?
වීරියං ඨපෙත්වා අවසෙසා ඉන්ද්‍රියා න වීරියං, ඉන්ද්‍රියා. වීරියඤ්ච ඉන්ද්‍රියෙ ච ඨපෙත්වා අවසෙසා න චෙව වීරියං න ච ඉන්ද්‍රියා.
(ඛ) න ඉන්ද්‍රියා න වීරියින්ද්‍රියන්ති? ආමන්තා.
(ක) න සති න ඉන්ද්‍රියන්ති?
සතිං ඨපෙත්වා අවසෙසා ඉන්ද්‍රියා න සති, ඉන්ද්‍රියා. සතිඤ්ච ඉන්ද්‍රියෙ ච ඨපෙත්වා අවසෙසා න චෙව සති න ච ඉන්ද්‍රියා.
(ඛ) න ඉන්ද්‍රියා න සතින්ද්‍රියන්ති? ආමන්තා.
(ක) න සමාධි න ඉන්ද්‍රියන්ති?
සමාධිං ඨපෙත්වා අවසෙසා ඉන්ද්‍රියා න සමාධි, ඉන්ද්‍රියා. සමාධිඤ්ච ඉන්ද්‍රියෙ ච ඨපෙත්වා අවසෙසා න චෙව සමාධි න ච ඉන්ද්‍රියා.
(ඛ) න ඉන්ද්‍රියා න සමාධින්ද්‍රියන්ති? ආමන්තා.
(ක) න පඤ්ඤා න ඉන්ද්‍රියන්ති?
පඤ්ඤං ඨපෙත්වා අවසෙසා ඉන්ද්‍රියා න පඤ්ඤා, ඉන්ද්‍රියා. පඤ්ඤඤ්ච ඉන්ද්‍රියෙ ච ඨපෙත්වා අවසෙසා න චෙව පඤ්ඤා න ච ඉන්ද්‍රියා.
(ඛ) න ඉන්ද්‍රියා න පඤ්ඤින්ද්‍රියන්ති? ආමන්තා.
(ක) න අනඤ්ඤාතඤ්ඤස්සාමීති න ඉන්ද්‍රියන්ති?
අනඤ්ඤාතඤ්ඤස්සාමීතිං ඨපෙත්වා අවසෙසා ඉන්ද්‍රියා න අනඤ්ඤාතඤ්ඤස්සාමීති, ඉන්ද්‍රියා. අනඤ්ඤාතඤ්ඤස්සාමීතිඤ්ච ඉන්ද්‍රියෙ ච ඨපෙත්වා අවසෙසා න චෙව අනඤ්ඤාතඤ්ඤස්සාමීති න ච ඉන්ද්‍රියා.
(ඛ) න ඉන්ද්‍රියා න අනඤ්ඤාතඤ්ඤස්සාමීතින්ද්‍රියන්ති? ආමන්තා.
(ක) න අඤ්ඤං න ඉන්ද්‍රියන්ති?
අඤ්ඤං ඨපෙත්වා අවසෙසා ඉන්ද්‍රියා න අඤ්ඤං, ඉන්ද්‍රියා. අඤ්ඤඤ්ච ඉන්ද්‍රියෙ ච ඨපෙත්වා අවසෙසා න චෙව අඤ්ඤං න ච ඉන්ද්‍රියා.
(ඛ) න ඉන්ද්‍රියා න අඤ්ඤින්ද්‍රියන්ති? ආමන්තා.
(ක) න අඤ්ඤාතාවී න ඉන්ද්‍රියන්ති?
අඤ්ඤාතාවිං ඨපෙත්වා අවසෙසා ඉන්ද්‍රියා න අඤ්ඤාතාවී, ඉන්ද්‍රියා. අඤ්ඤාතාවිඤ්ච ඉන්ද්‍රියෙ ච ඨපෙත්වා අවසෙසා න චෙව අඤ්ඤාතාවී න ච ඉන්ද්‍රියා.
(ඛ) න ඉන්ද්‍රියා න අඤ්ඤාතාවින්ද්‍රියන්ති? ආමන්තා.