1. පදසොධනවාරො
(ක) අනුලොමං
94. (ක) චක්ඛු චක්ඛුන්ද්‍රියන්ති?
දිබ්බචක්ඛු පඤ්ඤාචක්ඛු චක්ඛු, න චක්ඛුන්ද්‍රියං. චක්ඛුන්ද්‍රියං චක්ඛු චෙව චක්ඛුන්ද්‍රියඤ්ච.
(ඛ) චක්ඛුන්ද්‍රියං චක්ඛූති? ආමන්තා.
(ක) සොතං සොතින්ද්‍රියන්ති?
දිබ්බසොතං තණ්හාසොතං සොතං, න සොතින්ද්‍රියං. සොතින්ද්‍රියං සොතඤ්චෙව සොතින්ද්‍රියඤ්ච.
(ඛ) සොතින්ද්‍රියං සොතන්ති? ආමන්තා.
(ක) ඝානං ඝානින්ද්‍රියන්ති? ආමන්තා.
(ඛ) ඝානින්ද්‍රියං ඝානන්ති? ආමන්තා.
(ක) ජිව්හා ජිව්හින්ද්‍රියන්ති? ආමන්තා.
(ඛ) ජිව්හින්ද්‍රියං ජිව්හාති? ආමන්තා.
(ක) කායො කායින්ද්‍රියන්ති?
කායින්ද්‍රියං ඨපෙත්වා අවසෙසො කායො [අවසෙසා කායො (සී. ස්‍යා. ක.)], න කායින්ද්‍රියං. කායින්ද්‍රියං කායො චෙව කායින්ද්‍රියඤ්ච.
(ඛ) කායින්ද්‍රියං කායොති? ආමන්තා.
(ක) මනො මනින්ද්‍රියන්ති? ආමන්තා.
(ඛ) මනින්ද්‍රියං මනොති? ආමන්තා.
(ක) ඉත්ථී ඉත්ථින්ද්‍රියන්ති? නො.
(ඛ) ඉත්ථින්ද්‍රියං ඉත්ථීති? නො.
(ක) පුරිසො පුරිසින්ද්‍රියන්ති? නො.
(ඛ) පුරිසින්ද්‍රියං පුරිසොති? නො.
(ක) ජීවිතං ජීවිතින්ද්‍රියන්ති? ආමන්තා.
(ඛ) ජීවිතින්ද්‍රියං ජීවිතන්ති? ආමන්තා.
(ක) සුඛං සුඛින්ද්‍රියන්ති? ආමන්තා.
(ඛ) සුඛින්ද්‍රියං සුඛන්ති? ආමන්තා.
(ක) දුක්ඛං දුක්ඛින්ද්‍රියන්ති? ආමන්තා.
(ඛ) දුක්ඛින්ද්‍රියං දුක්ඛන්ති? ආමන්තා.
(ක) සොමනස්සං සොමනස්සින්ද්‍රියන්ති? ආමන්තා.
(ඛ) සොමනස්සින්ද්‍රියං සොමනස්සන්ති? ආමන්තා.
(ක) දොමනස්සං දොමනස්සින්ද්‍රියන්ති? ආමන්තා.
(ඛ) දොමනස්සින්ද්‍රියං දොමනස්සන්ති? ආමන්තා.
(ක) උපෙක්ඛා උපෙක්ඛින්ද්‍රියන්ති?
උපෙක්ඛින්ද්‍රියං ඨපෙත්වා අවසෙසා උපෙක්ඛා, න උපෙක්ඛින්ද්‍රියං. උපෙක්ඛින්ද්‍රියං උපෙක්ඛා චෙව උපෙක්ඛින්ද්‍රියඤ්ච.
(ඛ) උපෙක්ඛින්ද්‍රියං උපෙක්ඛාති? ආමන්තා.
(ක) සද්ධා සද්ධින්ද්‍රියන්ති? ආමන්තා.
(ඛ) සද්ධින්ද්‍රියං සද්ධාති? ආමන්තා.
(ක) වීරියං වීරියින්ද්‍රියන්ති? ආමන්තා.
(ඛ) වීරියින්ද්‍රියං වීරියන්ති? ආමන්තා.
(ක) සති සතින්ද්‍රියන්ති? ආමන්තා.
(ඛ) සතින්ද්‍රියං සතීති? ආමන්තා.
(ක) සමාධි සමාධින්ද්‍රියන්ති? ආමන්තා.
(ඛ) සමාධින්ද්‍රියං සමාධීති? ආමන්තා.
(ක) පඤ්ඤා පඤ්ඤින්ද්‍රියන්ති? ආමන්තා.
(ඛ) පඤ්ඤින්ද්‍රියං පඤ්ඤාති? ආමන්තා.
(ක) අනඤ්ඤාතඤ්ඤස්සාමීති අනඤ්ඤාතඤ්ඤස්සාමීතින්ද්‍රියන්ති? ආමන්තා.
(ඛ) අනඤ්ඤාතඤ්ඤස්සාමීතින්ද්‍රියං අනඤ්ඤාතඤ්ඤස්සාමීති? ආමන්තා.
(ක) අඤ්ඤං අඤ්ඤින්ද්‍රියන්ති? ආමන්තා.
(ඛ) අඤ්ඤින්ද්‍රියං අඤ්ඤන්ති? ආමන්තා.
(ක) අඤ්ඤාතාවී අඤ්ඤාතාවින්ද්‍රියන්ති? ආමන්තා.
(ඛ) අඤ්ඤාතාවින්ද්‍රියං අඤ්ඤාතාවීති? ආමන්තා.
(ඛ) පච්චනීකං
95. (ක) න චක්ඛු න චක්ඛුන්ද්‍රියන්ති? ආමන්තා.
(ඛ) න චක්ඛුන්ද්‍රියං න චක්ඛූති?
දිබ්බචක්ඛු පඤ්ඤාචක්ඛු න චක්ඛුන්ද්‍රියං, චක්ඛු. චක්ඛුඤ්ච චක්ඛුන්ද්‍රියඤ්ච ඨපෙත්වා අවසෙසා න චෙව චක්ඛු න ච චක්ඛුන්ද්‍රියං.
(ක) න සොතං න සොතින්ද්‍රියන්ති? ආමන්තා.
(ඛ) න සොතින්ද්‍රියං න සොතන්ති?
දිබ්බසොතං තණ්හාසොතං න සොතින්ද්‍රියං, සොතං. සොතඤ්ච සොතින්ද්‍රියඤ්ච ඨපෙත්වා අවසෙසා න චෙව සොතං න ච සොතින්ද්‍රියං.
(ක) න ඝානං න ඝානින්ද්‍රියන්ති? ආමන්තා.
(ඛ) න ඝානින්ද්‍රියං න ඝානන්ති? ආමන්තා.
(ක) න ජිව්හා න ජිව්හින්ද්‍රියන්ති? ආමන්තා.
(ඛ) න ජිව්හින්ද්‍රියං න ජිව්හාති? ආමන්තා.
(ක) න කායො න කායින්ද්‍රියන්ති? ආමන්තා.
(ඛ) න කායින්ද්‍රියං න කායොති?
කායින්ද්‍රියං ඨපෙත්වා අවසෙසො න කායින්ද්‍රියං, කායො. කායඤ්ච කායින්ද්‍රියඤ්ච ඨපෙත්වා අවසෙසො න චෙව කායො න ච කායින්ද්‍රියං.
(ක) න මනො න මනින්ද්‍රියන්ති? ආමන්තා.
(ඛ) න මනින්ද්‍රියං න මනොති? ආමන්තා.
(ක) න ඉත්ථී න ඉත්ථින්ද්‍රියන්ති?
ඉත්ථින්ද්‍රියං න ඉත්ථී, ඉත්ථින්ද්‍රියං. ඉත්ථිඤ්ච ඉත්ථින්ද්‍රියඤ්ච ඨපෙත්වා අවසෙසා න චෙව ඉත්ථී න ච ඉත්ථින්ද්‍රියං.
(ඛ) න ඉත්ථින්ද්‍රියං න ඉත්ථීති?
ඉත්ථී න ඉත්ථින්ද්‍රියං, ඉත්ථී. ඉත්ථිඤ්ච ඉත්ථින්ද්‍රියඤ්ච ඨපෙත්වා අවසෙසා න චෙව ඉත්ථී න ච ඉත්ථින්ද්‍රියං.
(ක) න පුරිසො න පුරිසින්ද්‍රියන්ති?
පුරිසින්ද්‍රියං න පුරිසො, පුරිසින්ද්‍රියං. පුරිසඤ්ච පුරිසින්ද්‍රියඤ්ච ඨපෙත්වා අවසෙසා න චෙව පුරිසො න ච පුරිසින්ද්‍රියං.
(ඛ) න පුරිසින්ද්‍රියං න පුරිසොති?
පුරිසො න පුරිසින්ද්‍රියං, පුරිසො. පුරිසඤ්ච පුරිසින්ද්‍රියඤ්ච ඨපෙත්වා අවසෙසා න චෙව පුරිසො න ච පුරිසින්ද්‍රියං.
(ක) න ජීවිතං න ජීවිතින්ද්‍රියන්ති? ආමන්තා.
(ඛ) න ජීවිතින්ද්‍රියං න ජීවිතන්ති? ආමන්තා.
(ක) න සුඛං න සුඛින්ද්‍රියන්ති? ආමන්තා.
(ඛ) න සුඛින්ද්‍රියං න සුඛන්ති? ආමන්තා.
(ක) න දුක්ඛං න දුක්ඛින්ද්‍රියන්ති? ආමන්තා.
(ඛ) න දුක්ඛින්ද්‍රියං න දුක්ඛන්ති? ආමන්තා.
(ක) න සොමනස්සං න සොමනස්සින්ද්‍රියන්ති? ආමන්තා.
(ඛ) න සොමනස්සින්ද්‍රියං න සොමනස්සන්ති? ආමන්තා.
(ක) න දොමනස්සං න දොමනස්සින්ද්‍රියන්ති? ආමන්තා.
(ඛ) න දොමනස්සින්ද්‍රියං න දොමනස්සන්ති? ආමන්තා.
(ක) න උපෙක්ඛා න උපෙක්ඛින්ද්‍රියන්ති? ආමන්තා.
(ඛ) න උපෙක්ඛින්ද්‍රියං න උපෙක්ඛාති?
උපෙක්ඛින්ද්‍රියං ඨපෙත්වා අවසෙසා න උපෙක්ඛින්ද්‍රියං, උපෙක්ඛා. උපෙක්ඛඤ්ච උපෙක්ඛින්ද්‍රියඤ්ච ඨපෙත්වා අවසෙසා න චෙව උපෙක්ඛා න ච උපෙක්ඛින්ද්‍රියං.
(ක) න සද්ධා න සද්ධින්ද්‍රියන්ති? ආමන්තා.
(ඛ) න සද්ධින්ද්‍රියං න සද්ධාති? ආමන්තා.
(ක) න වීරියං න වීරියින්ද්‍රියන්ති? ආමන්තා.
(ඛ) න වීරියින්ද්‍රියං න වීරියන්ති? ආමන්තා.
(ක) න සති න සතින්ද්‍රියන්ති? ආමන්තා.
(ඛ) න සතින්ද්‍රියං න සතීති? ආමන්තා.
(ක) න සමාධි න සමාධින්ද්‍රියන්ති? ආමන්තා.
(ඛ) න සමාධින්ද්‍රියං න සමාධීති? ආමන්තා.
(ක) න පඤ්ඤා න පඤ්ඤින්ද්‍රියන්ති? ආමන්තා.
(ඛ) න පඤ්ඤින්ද්‍රියං න පඤ්ඤාති? ආමන්තා.
(ක) න අනඤ්ඤාතඤ්ඤස්සාමීති න අනඤ්ඤාතඤ්ඤස්සාමීතින්ද්‍රියන්ති? ආමන්තා.
(ඛ) න අනඤ්ඤාතඤ්ඤස්සාමීතින්ද්‍රියං න අනඤ්ඤාතඤ්ඤස්සාමීති? ආමන්තා.
(ක) න අඤ්ඤං න අඤ්ඤින්ද්‍රියන්ති? ආමන්තා.
(ඛ) න අඤ්ඤින්ද්‍රියං න අඤ්ඤන්ති? ආමන්තා.
(ක) න අඤ්ඤාතාවී න අඤ්ඤාතාවින්ද්‍රියන්ති? ආමන්තා.
(ඛ) න අඤ්ඤාතාවින්ද්‍රියං න අඤ්ඤාතාවීති? ආමන්තා.