(6) අතීතානාගතවාරො
(ක) අනුලොමපුග්ගලො
219. (ක) යස්ස කුසලා ධම්මා උප්පජ්ජිත්ථ තස්ස අකුසලා ධම්මා නිරුජ්ඣිස්සන්තීති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං කුසලා ධම්මා උප්පජ්ජිත්ථ, නො ච තෙසං අකුසලා ධම්මා නිරුජ්ඣිස්සන්ති. ඉතරෙසං තෙසං කුසලා ච ධම්මා උප්පජ්ජිත්ථ අකුසලා ච ධම්මා නිරුජ්ඣිස්සන්ති.
(ඛ) යස්ස වා පන අකුසලා ධම්මා නිරුජ්ඣිස්සන්ති තස්ස කුසලා ධම්මා උප්පජ්ජිත්ථාති? ආමන්තා.
(ක) යස්ස කුසලා ධම්මා උප්පජ්ජිත්ථ තස්ස අබ්‍යාකතා ධම්මා නිරුජ්ඣිස්සන්තීති?
පච්ඡිමචිත්තස්ස භඞ්ගක්ඛණෙ තෙසං කුසලා ධම්මා උප්පජ්ජිත්ථ, නො ච තෙසං අබ්‍යාකතා ධම්මා නිරුජ්ඣිස්සන්ති. ඉතරෙසං තෙසං කුසලා ච ධම්මා උප්පජ්ජිත්ථ අබ්‍යාකතා ච ධම්මා නිරුජ්ඣිස්සන්ති.
(ඛ) යස්ස වා පන අබ්‍යාකතා ධම්මා නිරුජ්ඣිස්සන්ති තස්ස කුසලා ධම්මා උප්පජ්ජිත්ථාති? ආමන්තා.
220. (ක) යස්ස අකුසලා ධම්මා උප්පජ්ජිත්ථ තස්ස අබ්‍යාකතා ධම්මා නිරුජ්ඣිස්සන්තීති?
පච්ඡිමචිත්තස්ස භඞ්ගක්ඛණෙ තෙසං අකුසලා ධම්මා උප්පජ්ජිත්ථ, නො ච තෙසං අබ්‍යාකතා ධම්මා නිරුජ්ඣිස්සන්ති. ඉතරෙසං තෙසං අකුසලා ච ධම්මා උප්පජ්ජිත්ථ අබ්‍යාකතා ච ධම්මා නිරුජ්ඣිස්සන්ති.
(ඛ) යස්ස වා පන අබ්‍යාකතා ධම්මා නිරුජ්ඣිස්සන්ති තස්ස අකුසලා ධම්මා උප්පජ්ජිත්ථාති? ආමන්තා.
(ඛ) අනුලොමඔකාසො
221. යත්ථ කුසලා ධම්මා උප්පජ්ජිත්ථ තත්ථ අකුසලා ධම්මා නිරුජ්ඣිස්සන්තීති?…පෙ….
(ග) අනුලොමපුග්ගලොකාසා
222. (ක) යස්ස යත්ථ කුසලා ධම්මා උප්පජ්ජිත්ථ තස්ස තත්ථ අකුසලා ධම්මා නිරුජ්ඣිස්සන්තීති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං තත්ථ කුසලා ධම්මා උප්පජ්ජිත්ථ, නො ච තෙසං තත්ථ අකුසලා ධම්මා නිරුජ්ඣිස්සන්ති. ඉතරෙසං චතුවොකාරානං පඤ්චවොකාරානං තෙසං තත්ථ කුසලා ච ධම්මා උප්පජ්ජිත්ථ අකුසලා ච ධම්මා නිරුජ්ඣිස්සන්ති.
(ඛ) යස්ස වා පන යත්ථ අකුසලා ධම්මා නිරුජ්ඣිස්සන්ති තස්ස තත්ථ කුසලා ධම්මා උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ තෙසං තත්ථ අකුසලා ධම්මා නිරුජ්ඣිස්සන්ති, නො ච තෙසං තත්ථ කුසලා ධම්මා උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ අකුසලා ච ධම්මා නිරුජ්ඣිස්සන්ති කුසලා ච ධම්මා උප්පජ්ජිත්ථ.
(ක) යස්ස යත්ථ කුසලා ධම්මා උප්පජ්ජිත්ථ තස්ස තත්ථ අබ්‍යාකතා ධම්මා නිරුජ්ඣිස්සන්තීති?
පච්ඡිමචිත්තස්ස භඞ්ගක්ඛණෙ තෙසං තත්ථ කුසලා ධම්මා උප්පජ්ජිත්ථ, නො ච තෙසං තත්ථ අබ්‍යාකතා ධම්මා නිරුජ්ඣිස්සන්ති. ඉතරෙසං චතුවොකාරානං පඤ්චවොකාරානං තෙසං තත්ථ කුසලා ච ධම්මා උප්පජ්ජිත්ථ අබ්‍යාකතා ච ධම්මා නිරුජ්ඣිස්සන්ති.
(ඛ) යස්ස වා පන යත්ථ අබ්‍යාකතා ධම්මා නිරුජ්ඣිස්සන්ති තස්ස තත්ථ කුසලා ධම්මා උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ අබ්‍යාකතා ධම්මා නිරුජ්ඣිස්සන්ති, නො ච තෙසං තත්ථ කුසලා ධම්මා උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ අබ්‍යාකතා ච ධම්මා නිරුජ්ඣිස්සන්ති කුසලා ච ධම්මා උප්පජ්ජිත්ථ.
223. (ක) යස්ස යත්ථ අකුසලා ධම්මා උප්පජ්ජිත්ථ තස්ස තත්ථ අබ්‍යාකතා ධම්මා නිරුජ්ඣිස්සන්තීති?
පච්ඡිමචිත්තස්ස භඞ්ගක්ඛණෙ තෙසං තත්ථ අකුසලා ධම්මා උප්පජ්ජිත්ථ, නො ච තෙසං තත්ථ අබ්‍යාකතා ධම්මා නිරුජ්ඣිස්සන්ති. ඉතරෙසං චතුවොකාරානං පඤ්චවොකාරානං තෙසං තත්ථ අකුසලා ච ධම්මා උප්පජ්ජිත්ථ අබ්‍යාකතා ච ධම්මා නිරුජ්ඣිස්සන්ති.
(ඛ) යස්ස වා පන යත්ථ අබ්‍යාකතා ධම්මා නිරුජ්ඣිස්සන්ති තස්ස තත්ථ අකුසලා ධම්මා උප්පජ්ජිත්ථාති?
සුද්ධාවාසානං දුතියෙ චිත්තෙ වත්තමානෙ අසඤ්ඤසත්තානං තෙසං තත්ථ අබ්‍යාකතා ධම්මා නිරුජ්ඣිස්සන්ති, නො ච තෙසං තත්ථ අකුසලා ධම්මා උප්පජ්ජිත්ථ. ඉතරෙසං චතුවොකාරානං පඤ්චවොකාරානං තෙසං තත්ථ අබ්‍යාකතා ච ධම්මා නිරුජ්ඣිස්සන්ති අකුසලා ච ධම්මා උප්පජ්ජිත්ථ.
(ඝ) පච්චනීකපුග්ගලො
224. (ක) යස්ස කුසලා ධම්මා න උප්පජ්ජිත්ථ තස්ස අකුසලා ධම්මා න නිරුජ්ඣිස්සන්තීති? නත්ථි.
(ඛ) යස්ස වා පන අකුසලා ධම්මා න නිරුජ්ඣිස්සන්ති තස්ස කුසලා ධම්මා න උප්පජ්ජිත්ථාති? උප්පජ්ජිත්ථ.
(ක) යස්ස කුසලා ධම්මා න උප්පජ්ජිත්ථ තස්ස අබ්‍යාකතා ධම්මා න නිරුජ්ඣිස්සන්තීති? නත්ථි.
(ඛ) යස්ස වා පන අබ්‍යාකතා ධම්මා න නිරුජ්ඣිස්සන්ති තස්ස කුසලා ධම්මා න උප්පජ්ජිත්ථාති? උප්පජ්ජිත්ථ.
225. (ක) යස්ස අකුසලා ධම්මා න උප්පජ්ජිත්ථ තස්ස අබ්‍යාකතා ධම්මා න නිරුජ්ඣිස්සන්තීති? නත්ථි.
(ඛ) යස්ස වා පන අබ්‍යාකතා ධම්මා න නිරුජ්ඣිස්සන්ති තස්ස අකුසලා ධම්මා න උප්පජ්ජිත්ථාති? උප්පජ්ජිත්ථ.
(ඞ) පච්චනීකඔකාසො
226. යත්ථ කුසලා ධම්මා න උප්පජ්ජිත්ථ තත්ථ අකුසලා ධම්මා න නිරුජ්ඣිස්සන්තීති?…පෙ….
(ච) පච්චනීකපුග්ගලොකාසා
227. (ක) යස්ස යත්ථ කුසලා ධම්මා න උප්පජ්ජිත්ථ තස්ස තත්ථ අකුසලා ධම්මා න නිරුජ්ඣිස්සන්තීති?
සුද්ධාවාසානං දුතියෙ චිත්තෙ වත්තමානෙ තෙසං තත්ථ කුසලා ධම්මා න උප්පජ්ජිත්ථ, නො ච තෙසං තත්ථ අකුසලා ධම්මා න නිරුජ්ඣිස්සන්ති. අසඤ්ඤසත්තානං තෙසං තත්ථ කුසලා ච ධම්මා න උප්පජ්ජිත්ථ අකුසලා ච ධම්මා න නිරුජ්ඣිස්සන්ති.
(ඛ) යස්ස වා පන යත්ථ අකුසලා ධම්මා න නිරුජ්ඣිස්සන්ති තස්ස තත්ථ කුසලා ධම්මා න උප්පජ්ජිත්ථාති?
අග්ගමග්ගසමඞ්ගීනං අරහන්තානං යස්ස චිත්තස්ස අනන්තරා අග්ගමග්ගං පටිලභිස්සන්ති තෙසං තත්ථ අකුසලා ධම්මා න නිරුජ්ඣිස්සන්ති, නො ච තෙසං තත්ථ කුසලා ධම්මා න උප්පජ්ජිත්ථ. අසඤ්ඤසත්තානං තෙසං තත්ථ අකුසලා ච ධම්මා න නිරුජ්ඣිස්සන්ති කුසලා ච ධම්මා න උප්පජ්ජිත්ථ.
(ක) යස්ස යත්ථ කුසලා ධම්මා න උප්පජ්ජිත්ථ තස්ස තත්ථ අබ්‍යාකතා ධම්මා න නිරුජ්ඣිස්සන්තීති? නිරුජ්ඣිස්සන්ති.
(ඛ) යස්ස වා පන යත්ථ අබ්‍යාකතා ධම්මා න නිරුජ්ඣිස්සන්ති තස්ස තත්ථ කුසලා ධම්මා න උප්පජ්ජිත්ථාති? උප්පජ්ජිත්ථ.
228. (ක) යස්ස යත්ථ අකුසලා ධම්මා න උප්පජ්ජිත්ථ තස්ස තත්ථ අබ්‍යාකතා ධම්මා න නිරුජ්ඣිස්සන්තීති? නිරුජ්ඣිස්සන්ති.
(ඛ) යස්ස වා පන යත්ථ අබ්‍යාකතා ධම්මා න නිරුජ්ඣිස්සන්ති තස්ස තත්ථ අකුසලා ධම්මා න උප්පජ්ජිත්ථාති? උප්පජ්ජිත්ථ.
උප්පාදනිරොධවාරො.
පවත්තිවාරො නිට්ඨිතො.