3. සුද්ධසච්චවාරො
(ක) අනුලොමං
20. (ක) දුක්ඛං සච්චන්ති? ආමන්තා.
(ඛ) සච්චා දුක්ඛසච්චන්ති?
දුක්ඛසච්චං සච්චඤ්චෙව දුක්ඛසච්චඤ්ච. අවසෙසා සච්චා න දුක්ඛසච්චං.
සමුදයො සච්චන්ති? ආමන්තා…පෙ….
නිරොධො සච්චන්ති? ආමන්තා…පෙ….
(ක) මග්ගො සච්චන්ති? ආමන්තා.
(ඛ) සච්චා මග්ගසච්චන්ති?
මග්ගසච්චං සච්චඤ්චෙව මග්ගසච්චඤ්ච. අවසෙසා සච්චා න මග්ගසච්චං.
(ඛ) පච්චනීකං
21. (ක) න දුක්ඛං න සච්චන්ති?
දුක්ඛං ඨපෙත්වා අවසෙසා සච්චා න දුක්ඛං, සච්චා. දුක්ඛඤ්ච සච්චඤ්ච ඨපෙත්වා අවසෙසං න චෙව දුක්ඛං න ච සච්චා.
(ඛ) න සච්චා න දුක්ඛසච්චන්ති? ආමන්තා.
න සමුදයො න සච්චන්ති?
සමුදයං ඨපෙත්වා…පෙ… නිරොධං ඨපෙත්වා…පෙ….
(ක) න මග්ගො න සච්චන්ති?
මග්ගං ඨපෙත්වා අවසෙසා සච්චා න මග්ගො, සච්චා. මග්ගඤ්ච සච්චඤ්ච ඨපෙත්වා අවසෙසා න චෙව මග්ගො න ච සච්චා.
(ඛ) න සච්චා න මග්ගසච්චන්ති? ආමන්තා.