1. පදසොධනවාරො
(ක) අනුලොමං
26. (ක) රූපං රූපක්ඛන්ධොති?
පියරූපං සාතරූපං රූපං, න රූපක්ඛන්ධො. රූපක්ඛන්ධො රූපඤ්චෙව රූපක්ඛන්ධො ච.
(ඛ) රූපක්ඛන්ධො රූපන්ති? ආමන්තා.
(ක) වෙදනා වෙදනාක්ඛන්ධොති? ආමන්තා.
(ඛ) වෙදනාක්ඛන්ධො වෙදනාති? ආමන්තා.
(ක) සඤ්ඤා සඤ්ඤාක්ඛන්ධොති?
දිට්ඨිසඤ්ඤා සඤ්ඤා, න සඤ්ඤාක්ඛන්ධො. සඤ්ඤාක්ඛන්ධො සඤ්ඤා චෙව සඤ්ඤාක්ඛන්ධො ච.
(ඛ) සඤ්ඤාක්ඛන්ධො සඤ්ඤාති? ආමන්තා.
(ක) සඞ්ඛාරා සඞ්ඛාරක්ඛන්ධොති?
සඞ්ඛාරක්ඛන්ධං ඨපෙත්වා අවසෙසා සඞ්ඛාරා [අවසෙසා සඞ්ඛාරා සඞ්ඛාරා (ස්‍යා.)], න සඞ්ඛාරක්ඛන්ධො. සඞ්ඛාරක්ඛන්ධො සඞ්ඛාරා චෙව සඞ්ඛාරක්ඛන්ධො ච.
(ඛ) සඞ්ඛාරක්ඛන්ධො සඞ්ඛාරාති? ආමන්තා.
(ක) විඤ්ඤාණං විඤ්ඤාණක්ඛන්ධොති? ආමන්තා.
(ඛ) විඤ්ඤාණක්ඛන්ධො විඤ්ඤාණන්ති? ආමන්තා.
(ඛ) පච්චනීකං
27. (ක) න රූපං න රූපක්ඛන්ධොති? ආමන්තා.
(ඛ) න රූපක්ඛන්ධො න රූපන්ති?
පියරූපං සාතරූපං න රූපක්ඛන්ධො, රූපං. රූපඤ්ච රූපක්ඛන්ධඤ්ච ඨපෙත්වා අවසෙසා න චෙව රූපං න ච රූපක්ඛන්ධො.
(ක) න වෙදනා න වෙදනාක්ඛන්ධොති? ආමන්තා.
(ඛ) න වෙදනාක්ඛන්ධො න වෙදනාති? ආමන්තා.
(ක) න සඤ්ඤා න සඤ්ඤාක්ඛන්ධොති? ආමන්තා.
(ඛ) න සඤ්ඤාක්ඛන්ධො න සඤ්ඤාති?
දිට්ඨිසඤ්ඤා න සඤ්ඤාක්ඛන්ධො, සඤ්ඤා. සඤ්ඤඤ්ච සඤ්ඤාක්ඛන්ධඤ්ච ඨපෙත්වා අවසෙසා න චෙව සඤ්ඤා න ච සඤ්ඤාක්ඛන්ධො.
(ක) න සඞ්ඛාරා න සඞ්ඛාරක්ඛන්ධොති? ආමන්තා.
(ඛ) න සඞ්ඛාරක්ඛන්ධො න සඞ්ඛාරාති?
සඞ්ඛාරක්ඛන්ධං ඨපෙත්වා අවසෙසා න සඞ්ඛාරක්ඛන්ධො, සඞ්ඛාරා. සඞ්ඛාරෙ ච සඞ්ඛාරක්ඛන්ධඤ්ච ඨපෙත්වා අවසෙසා න චෙව සඞ්ඛාරා න ච සඞ්ඛාරක්ඛන්ධො.
(ක) න විඤ්ඤාණං න විඤ්ඤාණක්ඛන්ධොති? ආමන්තා.
(ඛ) න විඤ්ඤාණක්ඛන්ධො න විඤ්ඤාණන්ති? ආමන්තා.