දුක්ඛායවෙදනායසම්පයුත්තපදං
හෙතුපච්චයො
7. නකුසලං නදුක්ඛාය වෙදනාය සම්පයුත්තං ධම්මං පටිච්ච නකුසලො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නකුසලං නදුක්ඛාය වෙදනාය සම්පයුත්තං ධම්මං පටිච්ච නඅකුසලො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නකුසලං නදුක්ඛාය වෙදනාය සම්පයුත්තං ධම්මං පටිච්ච නඅබ්‍යාකතො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නකුසලං නදුක්ඛාය වෙදනාය සම්පයුත්තං ධම්මං පටිච්ච නකුසලො නදුක්ඛාය වෙදනාය සම්පයුත්තො ච නඅබ්‍යාකතො නදුක්ඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. නකුසලං නදුක්ඛාය වෙදනාය සම්පයුත්තං ධම්මං පටිච්ච නකුසලො නදුක්ඛාය වෙදනාය සම්පයුත්තො ච නඅකුසලො නදුක්ඛාය වෙදනාය සම්පයුත්තො ච ධම්මා උප්පජ්ජන්ති හෙතුපච්චයා. (5)
නඅකුසලං නදුක්ඛාය වෙදනාය සම්පයුත්තං ධම්මං පටිච්ච නඅකුසලො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… පඤ්ච.
නඅබ්‍යාකතං නදුක්ඛාය වෙදනාය සම්පයුත්තං ධම්මං පටිච්ච නඅබ්‍යාකතො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… ඡ.
නකුසලං නදුක්ඛාය වෙදනාය සම්පයුත්තඤ්ච නඅබ්‍යාකතං නදුක්ඛාය වෙදනාය සම්පයුත්තඤ්ච ධම්මං පටිච්ච නකුසලො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… පඤ්ච.
නඅකුසලං නදුක්ඛාය වෙදනාය සම්පයුත්තඤ්ච නඅබ්‍යාකතං නදුක්ඛාය වෙදනාය සම්පයුත්තඤ්ච ධම්මං පටිච්ච නකුසලො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… පඤ්ච.
නකුසලං නදුක්ඛාය වෙදනාය සම්පයුත්තඤ්ච නඅකුසලං නදුක්ඛාය වෙදනාය සම්පයුත්තඤ්ච ධම්මං පටිච්ච නකුසලො නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා… තීණි. (සංඛිත්තං.)
හෙතුයා එකූනතිංස…පෙ… අවිගතෙ එකූනතිංස. (සබ්බත්ථ විත්ථාරෙතබ්බං.)