1-7. පටිච්චවාරාදි
පච්චයචතුක්කං
හෙතුපච්චයො
1. නහෙතුං නකුසලං ධම්මං පටිච්ච නහෙතු නකුසලො ධම්මො උප්පජ්ජති හෙතුපච්චයා – නහෙතුං අකුසලං අබ්‍යාකතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං. නහෙතුං නකුසලං ධම්මං පටිච්ච නනහෙතුං නකුසලො ධම්මො උප්පජ්ජති හෙතුපච්චයා – නහෙතූ අකුසලෙ අබ්‍යාකතෙ ඛන්ධෙ පටිච්ච හෙතූ. නහෙතුං නකුසලං ධම්මං පටිච්ච නහෙතු නකුසලො ච නනහෙතු නකුසලො ච ධම්මා උප්පජ්ජන්ති හෙතුපච්චයා. (3)
නනහෙතුං නකුසලං ධම්මං පටිච්ච නනහෙතු නකුසලො ධම්මො උප්පජ්ජති හෙතුපච්චයා. නනහෙතුං නකුසලං ධම්මං පටිච්ච නහෙතු නකුසලො ධම්මො උප්පජ්ජති හෙතුපච්චයා. නනහෙතුං නකුසලං ධම්මං පටිච්ච නහෙතු නකුසලො ච නනහෙතු නකුසලො ච ධම්මා උප්පජ්ජන්ති හෙතුපච්චයා. (3)
නහෙතුං නකුසලඤ්ච නනහෙතුං නකුසලඤ්ච ධම්මං පටිච්ච නහෙතු නකුසලො ධම්මො උප්පජ්ජති හෙතුපච්චයා. නහෙතුං නකුසලඤ්ච නනහෙතුං නකුසලඤ්ච ධම්මං පටිච්ච නනහෙතු නකුසලො ධම්මො උප්පජ්ජති හෙතුපච්චයා. නහෙතුං නකුසලඤ්ච නනහෙතුං නකුසලඤ්ච ධම්මං පටිච්ච නහෙතු නකුසලො ච නනහෙතු නකුසලො ච ධම්මා උප්පජ්ජන්ති හෙතුපච්චයා. (3) (සංඛිත්තං.)
2. හෙතුයා නව…පෙ… අවිගතෙ නව.
නහෙතුයා ද්වෙ.
(සහජාතවාරෙපි…පෙ… සම්පයුත්තවාරෙපි සබ්බත්ථ විත්ථාරො.)
හෙතු-ආරම්මණපච්චයා
3. නනහෙතු නකුසලො ධම්මො නනහෙතුස්ස නකුසලස්ස ධම්මස්ස හෙතුපච්චයෙන පච්චයො. නනහෙතු නකුසලො ධම්මො නහෙතුස්ස නකුසලස්ස ධම්මස්ස හෙතුපච්චයෙන පච්චයො. නනහෙතු නකුසලො ධම්මො නහෙතුස්ස නකුසලස්ස ච නනහෙතුස්ස නකුසලස්ස ච ධම්මස්ස හෙතුපච්චයෙන පච්චයො. (3)
නහෙතු නකුසලො ධම්මො නහෙතුස්ස නකුසලස්ස ධම්මස්ස ආරම්මණපච්චයෙන පච්චයො. (සංඛිත්තං.)
4. හෙතුයා තීණි, ආරම්මණෙ නව…පෙ… අවිගතෙ නව. (පඤ්හාවාරං එවං විත්ථාරෙතබ්බං).
5. නහෙතුං නඅකුසලං ධම්මං පටිච්ච නහෙතු නඅකුසලො ධම්මො උප්පජ්ජති හෙතුපච්චයා – නහෙතුං කුසලං අබ්‍යාකතං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ…පෙ… නහෙතුං නඅකුසලං ධම්මං පටිච්ච නනහෙතු නඅකුසලො ධම්මො උප්පජ්ජති හෙතුපච්චයා – නහෙතූ කුසලෙ අබ්‍යාකතෙ ඛන්ධෙ පටිච්ච හෙතූ. නහෙතුං නඅකුසලං ධම්මං පටිච්ච නහෙතු නඅකුසලො ච නනහෙතු නඅකුසලො ච ධම්මා උප්පජ්ජන්ති හෙතුපච්චයා. (3)
නනහෙතුං නඅකුසලං ධම්මං පටිච්ච නනහෙතු නඅකුසලො ධම්මො උප්පජ්ජති හෙතුපච්චයා. නනහෙතුං නඅකුසලං ධම්මං පටිච්ච නහෙතු නඅකුසලො ධම්මො උප්පජ්ජති හෙතුපච්චයා. නනහෙතුං නඅකුසලං ධම්මං පටිච්ච නහෙතු නඅකුසලො ච නනහෙතු නඅකුසලො ච ධම්මා උප්පජ්ජන්ති හෙතුපච්චයා. (3)
නහෙතුං නඅකුසලඤ්ච නනහෙතුං නඅකුසලඤ්ච ධම්මං පටිච්ච නහෙතු නඅකුසලො ධම්මො උප්පජ්ජති හෙතුපච්චයා. නහෙතුං නඅකුසලඤ්ච නනහෙතුං නඅකුසලඤ්ච ධම්මං පටිච්ච නනහෙතු නඅකුසලො ධම්මො උප්පජ්ජති හෙතුපච්චයා. නහෙතුං නඅකුසලඤ්ච නනහෙතුං නඅකුසලඤ්ච ධම්මං පටිච්ච නහෙතු නඅකුසලො ච නනහෙතු නඅකුසලො ච ධම්මා උප්පජ්ජන්ති හෙතුපච්චයා. (3) (සංඛිත්තං).
හෙතුයා නව…පෙ… අවිගතෙ නව. (සබ්බත්ථ නව.)
6. නහෙතුං නඅබ්‍යාකතං ධම්මං පටිච්ච නහෙතු නඅබ්‍යාකතො ධම්මො උප්පජ්ජති හෙතුපච්චයා – කුසලාකුසලං නහෙතුං එකං ඛන්ධං පටිච්ච තයො ඛන්ධා, තයො ඛන්ධෙ පටිච්ච එකො ඛන්ධො. නහෙතුං නඅබ්‍යාකතං ධම්මං පටිච්ච නනහෙතු නඅබ්‍යාකතො ධම්මො උප්පජ්ජති හෙතුපච්චයා. නහෙතුං නඅබ්‍යාකතං ධම්මං පටිච්ච නහෙතු නඅබ්‍යාකතො ච නනහෙතු නඅබ්‍යාකතො ච ධම්මා උප්පජ්ජන්ති හෙතුපච්චයා. (3)
නනහෙතුං නඅබ්‍යාකතං ධම්මං පටිච්ච නනහෙතු නඅබ්‍යාකතො ධම්මො උප්පජ්ජති හෙතුපච්චයා… තීණි.
නහෙතුං නඅබ්‍යාකතඤ්ච නනහෙතුං නඅබ්‍යාකතඤ්ච ධම්මං පටිච්ච නහෙතු නඅබ්‍යාකතො ධම්මො උප්පජ්ජති හෙතුපච්චයා. නහෙතුං නඅබ්‍යාකතඤ්ච නනහෙතුං නඅබ්‍යාකතඤ්ච ධම්මං පටිච්ච නනහෙතු නඅබ්‍යාකතො ධම්මො උප්පජ්ජති හෙතුපච්චයා. නහෙතුං නඅබ්‍යාකතඤ්ච නනහෙතුං නඅබ්‍යාකතඤ්ච ධම්මං පටිච්ච නහෙතු නඅබ්‍යාකතො ච නනහෙතු නඅබ්‍යාකතො ච ධම්මා උප්පජ්ජන්ති හෙතුපච්චයා. (3) (සංඛිත්තං.)
හෙතුයා නව…පෙ… අවිගතෙ නව. (සබ්බත්ථ නව.)
1-2 හෙතුදුක-වෙදනාත්තිකං
7. නහෙතුං නසුඛාය වෙදනාය සම්පයුත්තං ධම්මං පටිච්ච නහෙතු නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. නහෙතුං නසුඛාය වෙදනාය සම්පයුත්තං ධම්මං පටිච්ච නනහෙතු නසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව. (සබ්බත්ථ නව.)
8. නහෙතුං නදුක්ඛාය වෙදනාය සම්පයුත්තං ධම්මං පටිච්ච නහෙතු නදුක්ඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව. (සබ්බත්ථ නව.)
9. නහෙතුං නඅදුක්ඛමසුඛාය වෙදනාය සම්පයුත්තං ධම්මං පටිච්ච නහෙතු නඅදුක්ඛමසුඛාය වෙදනාය සම්පයුත්තො ධම්මො උප්පජ්ජති හෙතුපච්චයා. (සංඛිත්තං.)
හෙතුයා නව. (සබ්බත්ථ නව.)