100-22. සරණදුක-සනිදස්සනත්තිකං

89. නසරණං නසනිදස්සනසප්පටිඝං ධම්මං පටිච්ච නසරණො නසනිදස්සනසප්පටිඝො ධම්මො උප්පජ්ජති හෙතුපච්චයා. (1)

නඅරණං නසනිදස්සනසප්පටිඝං ධම්මං පටිච්ච නඅරණො නසනිදස්සනසප්පටිඝො ධම්මො උප්පජ්ජති හෙතුපච්චයා. නඅරණං නසනිදස්සනසප්පටිඝං ධම්මං පටිච්ච නසරණො නසනිදස්සනසප්පටිඝො ධම්මො උප්පජ්ජති හෙතුපච්චයා. නඅරණං නසනිදස්සනසප්පටිඝං ධම්මං පටිච්ච නසරණො නසනිදස්සනසප්පටිඝො ච නඅරණො නසනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3)

නසරණං නසනිදස්සනසප්පටිඝඤ්ච නඅරණං නසනිදස්සනසප්පටිඝඤ්ච ධම්මං පටිච්ච නසරණො නසනිදස්සනසප්පටිඝො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච.

90. නසරණං නසනිදස්සනසප්පටිඝං ධම්මං පටිච්ච නසරණො නඅනිදස්සනසප්පටිඝො ධම්මො උප්පජ්ජති හෙතුපච්චයා. (1)

නඅරණං නඅනිදස්සනසප්පටිඝං ධම්මං පටිච්ච නඅරණො නඅනිදස්සනසප්පටිඝො ධම්මො උප්පජ්ජති හෙතුපච්චයා. නඅරණං නඅනිදස්සනසප්පටිඝං ධම්මං පටිච්ච නසරණො නඅනිදස්සනසප්පටිඝො ධම්මො උප්පජ්ජති හෙතුපච්චයා. නඅරණං නඅනිදස්සනසප්පටිඝං ධම්මං පටිච්ච නසරණො නඅනිදස්සනසප්පටිඝො ච නඅරණො නඅනිදස්සනසප්පටිඝො ච ධම්මා උප්පජ්ජන්ති හෙතුපච්චයා. (3)

නසරණං නඅනිදස්සනසප්පටිඝඤ්ච නඅරණං නඅනිදස්සනසප්පටිඝඤ්ච ධම්මං පටිච්ච නසරණො නඅනිදස්සනසප්පටිඝො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච.

(සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං.)

91. නසරණං නඅනිදස්සනඅප්පටිඝං ධම්මං පටිච්ච නසරණො නඅනිදස්සනඅප්පටිඝො ධම්මො උප්පජ්ජති හෙතුපච්චයා. (සංඛිත්තං.)

හෙතුයා එකං. (සබ්බත්ථ විත්ථාරො.)

ධම්මපච්චනීයෙ දුකතිකපට්ඨානං නිට්ඨිතං.