1-7. පටිච්චවාරාදි

13. නහෙතුං නසහෙතුකං ධම්මං පටිච්ච නහෙතු නසහෙතුකො ධම්මො උප්පජ්ජති හෙතුපච්චයා – එකං මහාභූතං පටිච්ච තයො මහාභූතා…පෙ…. නහෙතුං නසහෙතුකං ධම්මං පටිච්ච නහෙතු නඅහෙතුකො ධම්මො උප්පජ්ජති හෙතුපච්චයා – පටිසන්ධික්ඛණෙ වත්ථුං පටිච්ච නහෙතුසහෙතුකා ඛන්ධා. නහෙතුං නසහෙතුකං ධම්මං පටිච්ච නහෙතු නසහෙතුකො ච නහෙතු නඅහෙතුකො ච ධම්මා උප්පජ්ජන්ති හෙතුපච්චයා. (3)

නහෙතුං නඅහෙතුකං ධම්මං පටිච්ච නහෙතු නඅහෙතුකො ධම්මො උප්පජ්ජති හෙතුපච්චයා. නහෙතුං නඅහෙතුකං ධම්මං පටිච්ච නහෙතු නසහෙතුකො ධම්මො උප්පජ්ජති හෙතුපච්චයා. නහෙතුං නඅහෙතුකං ධම්මං පටිච්ච නහෙතු නසහෙතුකො ච නහෙතු නඅහෙතුකො ච ධම්මා උප්පජ්ජන්ති හෙතුපච්චයා. (3)

නහෙතුං නසහෙතුකඤ්ච නහෙතුං නඅහෙතුකඤ්ච ධම්මං පටිච්ච නහෙතු නසහෙතුකො ධම්මො උප්පජ්ජති හෙතුපච්චයා. නහෙතුං නසහෙතුකඤ්ච නහෙතුං නඅහෙතුකඤ්ච ධම්මං පටිච්ච නහෙතු නඅහෙතුකො ධම්මො උප්පජ්ජති හෙතුපච්චයා. නහෙතුං නසහෙතුකඤ්ච නහෙතුං නඅහෙතුකඤ්ච ධම්මං පටිච්ච නහෙතු නසහෙතුකො ච නහෙතු නඅහෙතුකො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

14. හෙතුයා නව, ආරම්මණෙ චත්තාරි…පෙ… අවිගතෙ නව.

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

ආරම්මණපච්චයො

15. නහෙතු නසහෙතුකො ධම්මො නහෙතුස්ස නසහෙතුකස්ස ධම්මස්ස ආරම්මණපච්චයෙන පච්චයො. නහෙතු නසහෙතුකො ධම්මො නහෙතුස්ස නඅහෙතුකස්ස ධම්මස්ස ආරම්මණපච්චයෙන පච්චයො. (2)

නහෙතු නඅහෙතුකො ධම්මො නහෙතුස්ස නඅහෙතුකස්ස ධම්මස්ස ආරම්මණපච්චයෙන පච්චයො. නහෙතු නඅහෙතුකො ධම්මො නහෙතුස්ස නසහෙතුකස්ස ධම්මස්ස ආරම්මණපච්චයෙන පච්චයො. (2) (සංඛිත්තං.)

16. ආරම්මණෙ චත්තාරි…පෙ… අවිගතෙ සත්ත.

හෙතුගොච්ඡකං නිට්ඨිතං.