77. සංකිලිට්ඨදුකං

70. නසංකිලිට්ඨං ධම්මං පටිච්ච නසංකිලිට්ඨො ධම්මො උප්පජ්ජති හෙතුපච්චයා. (1)

නඅසංකිලිට්ඨං ධම්මං පටිච්ච නඅසංකිලිට්ඨො ධම්මො උප්පජ්ජති හෙතුපච්චයා. නඅසංකිලිට්ඨං ධම්මං පටිච්ච නසංකිලිට්ඨො ධම්මො උප්පජ්ජති හෙතුපච්චයා. නඅසංකිලිට්ඨං ධම්මං පටිච්ච නසංකිලිට්ඨො ච නඅසංකිලිට්ඨො ච ධම්මා උප්පජ්ජන්ති හෙතුපච්චයා. (3)

නසංකිලිට්ඨඤ්ච නඅසංකිලිට්ඨඤ්ච ධම්මං පටිච්ච නසංකිලිට්ඨො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච…පෙ… අවිගතෙ පඤ්ච. (සබ්බත්ථ විත්ථාරො.)