3. හෙතුසම්පයුත්තදුකං

1-7. පටිච්චවාරාදි

9. නහෙතුසම්පයුත්තං ධම්මං පටිච්ච නහෙතුසම්පයුත්තො ධම්මො උප්පජ්ජති හෙතුපච්චයා. නහෙතුසම්පයුත්තං ධම්මං පටිච්ච නහෙතුවිප්පයුත්තො ධම්මො උප්පජ්ජති හෙතුපච්චයා. නහෙතුසම්පයුත්තං ධම්මං පටිච්ච නහෙතුසම්පයුත්තො ච නහෙතුවිප්පයුත්තො ච ධම්මා උප්පජ්ජන්ති හෙතුපච්චයා. (3)

නහෙතුවිප්පයුත්තං ධම්මං පටිච්ච නහෙතුවිප්පයුත්තො ධම්මො උප්පජ්ජති හෙතුපච්චයා. නහෙතුවිප්පයුත්තං ධම්මං පටිච්ච නහෙතුසම්පයුත්තො ධම්මො උප්පජ්ජති හෙතුපච්චයා. නහෙතුවිප්පයුත්තං ධම්මං පටිච්ච නහෙතුසම්පයුත්තො ච නහෙතුවිප්පයුත්තො ච ධම්මා උප්පජ්ජන්ති හෙතුපච්චයා. (3)

නහෙතුසම්පයුත්තඤ්ච නහෙතුවිප්පයුත්තඤ්ච ධම්මං පටිච්ච නහෙතුසම්පයුත්තො ධම්මො උප්පජ්ජති හෙතුපච්චයා… තීණි. (සංඛිත්තං.)

10. හෙතුයා නව, ආරම්මණෙ ඡ…පෙ… අවිගතෙ නව. (සහජාතවාරෙපි…පෙ… පඤ්හාවාරෙපි සබ්බත්ථ විත්ථාරෙතබ්බං.)