57. චෙතසිකදුකං

55. නචෙතසිකං ධම්මං පටිච්ච නචෙතසිකො ධම්මො උප්පජ්ජති හෙතුපච්චයා. නචෙතසිකං ධම්මං පටිච්ච නඅචෙතසිකො ධම්මො උප්පජ්ජති හෙතුපච්චයා. නචෙතසිකං ධම්මං පටිච්ච නචෙතසිකො ච නඅචෙතසිකො ච ධම්මා උප්පජ්ජන්ති හෙතුපච්චයා. (3)

නඅචෙතසිකං ධම්මං පටිච්ච නඅචෙතසිකො ධම්මො උප්පජ්ජති හෙතුපච්චයා. නඅචෙතසිකං ධම්මං පටිච්ච නචෙතසිකො ධම්මො උප්පජ්ජති හෙතුපච්චයා. නඅචෙතසිකං ධම්මං පටිච්ච නචෙතසිකො ච නඅචෙතසිකො ච ධම්මා උප්පජ්ජන්ති හෙතුපච්චයා. (3)

නචෙතසිකඤ්ච නඅචෙතසිකඤ්ච ධම්මං පටිච්ච නචෙතසිකො ධම්මො උප්පජ්ජති හෙතුපච්චයා. නචෙතසිකඤ්ච නඅචෙතසිකඤ්ච ධම්මං පටිච්ච නඅචෙතසිකො ධම්මො උප්පජ්ජති හෙතුපච්චයා. නචෙතසිකඤ්ච නඅචෙතසිකඤ්ච ධම්මං පටිච්ච නචෙතසිකො ච නඅචෙතසිකො ච ධම්මා උප්පජ්ජන්ති හෙතුපච්චයා. (3)

හෙතුයා නව…පෙ… අවිගතෙ නව. (සබ්බත්ථ විත්ථාරො.)