31. ගන්ථවිප්පයුත්තගන්ථනියදුකං

45. ගන්ථවිප්පයුත්තං නගන්ථනියං ධම්මං පටිච්ච ගන්ථවිප්පයුත්තො නගන්ථනියො ධම්මො උප්පජ්ජති හෙතුපච්චයා. ගන්ථවිප්පයුත්තං නගන්ථනියං ධම්මං පටිච්ච ගන්ථවිප්පයුත්තො නඅගන්ථනියො ධම්මො උප්පජ්ජති හෙතුපච්චයා. ගන්ථවිප්පයුත්තං නගන්ථනියං ධම්මං පටිච්ච ගන්ථවිප්පයුත්තො නගන්ථනියො ච ගන්ථවිප්පයුත්තො නඅගන්ථනියො ච ධම්මා උප්පජ්ජන්ති හෙතුපච්චයා. (3)

ගන්ථවිප්පයුත්තං නඅගන්ථනියං ධම්මං පටිච්ච ගන්ථවිප්පයුත්තො නඅගන්ථනියො ධම්මො උප්පජ්ජති හෙතුපච්චයා. (1)

ගන්ථවිප්පයුත්තං නගන්ථනියඤ්ච ගන්ථවිප්පයුත්තං නඅගන්ථනියඤ්ච ධම්මං පටිච්ච ගන්ථවිප්පයුත්තො නඅගන්ථනියො ධම්මො උප්පජ්ජති හෙතුපච්චයා. (1) (සංඛිත්තං.)

හෙතුයා පඤ්ච, ආරම්මණෙ ද්වෙ…පෙ… අවිගතෙ පඤ්ච. (සබ්බත්ථ විත්ථාරො.)

ගන්ථගොච්ඡකං නිට්ඨිතං.