1-7. පටිච්චවාරාදි

පච්චයචතුක්කං

හෙතුපච්චයො

1. නහෙතුං ධම්මං පටිච්ච නහෙතු ධම්මො උප්පජ්ජති හෙතුපච්චයා – නහෙතුං එකං ඛන්ධං පටිච්ච තයො ඛන්ධා චිත්තසමුට්ඨානඤ්ච රූපං…පෙ… ද්වෙ ඛන්ධෙ පටිච්ච ද්වෙ ඛන්ධා චිත්තසමුට්ඨානඤ්ච රූපං; පටිසන්ධික්ඛණෙ…පෙ… (යාව මහාභූතා). නහෙතුං ධම්මං පටිච්ච න නහෙතු ධම්මො උප්පජ්ජති හෙතුපච්චයා – නහෙතූ ඛන්ධෙ පටිච්ච හෙතූ; පටිසන්ධික්ඛණෙ…පෙ… නහෙතුං ධම්මං පටිච්ච නහෙතු ච න නහෙතු ච ධම්මා උප්පජ්ජන්ති හෙතුපච්චයා. (3)

න නහෙතුං ධම්මං පටිච්ච න නහෙතු ධම්මො උප්පජ්ජති හෙතුපච්චයා. න නහෙතුං ධම්මං පටිච්ච නහෙතු ධම්මො උප්පජ්ජති හෙතුපච්චයා. න නහෙතුං ධම්මං පටිච්ච නහෙතු ච න නහෙතු ච ධම්මා උප්පජ්ජන්ති හෙතුපච්චයා. (3)

නහෙතුඤ්ච න නහෙතුඤ්ච ධම්මං පටිච්ච නහෙතු ධම්මො උප්පජ්ජති හෙතුපච්චයා. නහෙතුඤ්ච න නහෙතුඤ්ච ධම්මං පටිච්ච න නහෙතු ධම්මො උප්පජ්ජති හෙතුපච්චයා. නහෙතුඤ්ච න නහෙතුඤ්ච ධම්මං පටිච්ච නහෙතු ච න නහෙතු ච ධම්මා උප්පජ්ජන්ති හෙතුපච්චයා. (3) (සංඛිත්තං.)

2. හෙතුයා නව, ආරම්මණෙ නව…පෙ… අවිගතෙ නව.

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං එවං විත්ථාරෙතබ්බං.)

හෙතු-ආරම්මණපච්චයා

3. න නහෙතු ධම්මො න නහෙතුස්ස ධම්මස්ස හෙතුපච්චයෙන පච්චයො. න නහෙතු ධම්මො නහෙතුස්ස ධම්මස්ස හෙතුපච්චයෙන පච්චයො. න නහෙතු ධම්මො නහෙතුස්ස ච න නහෙතුස්ස ච ධම්මස්ස හෙතුපච්චයෙන පච්චයො. (3)

නහෙතු ධම්මො නහෙතුස්ස ධම්මස්ස ආරම්මණපච්චයෙන පච්චයො. නහෙතු ධම්මො න නහෙතුස්ස ධම්මස්ස ආරම්මණපච්චයෙන පච්චයො. නහෙතු ධම්මො නහෙතුස්ස ච න නහෙතුස්ස ච ධම්මස්ස ආරම්මණපච්චයෙන පච්චයො. (3)

න නහෙතු ධම්මො න නහෙතුස්ස ධම්මස්ස ආරම්මණපච්චයෙන පච්චයො. න නහෙතු ධම්මො නහෙතුස්ස ධම්මස්ස ආරම්මණපච්චයෙන පච්චයො. න නහෙතු ධම්මො නහෙතුස්ස ච න නහෙතුස්ස ච ධම්මස්ස ආරම්මණපච්චයෙන පච්චයො. (3)

නහෙතු ච න නහෙතු ච ධම්මා නහෙතුස්ස ධම්මස්ස ආරම්මණපච්චයෙන පච්චයො. නහෙතු ච න නහෙතු ච ධම්මා න නහෙතුස්ස ධම්මස්ස ආරම්මණපච්චයෙන පච්චයො. නහෙතු ච න නහෙතු ච ධම්මා නහෙතුස්ස ච න නහෙතුස්ස ච ධම්මස්ස ආරම්මණපච්චයෙන පච්චයො. (3) (සංඛිත්තං.)

4. හෙතුයා තීණි, ආරම්මණෙ නව…පෙ… අවිගතෙ නව. (යථා කුසලත්තිකෙ පඤ්හාවාරං, එවං විත්ථාරෙතබ්බං.)