1-7. පටිච්චවාරාදි

31. නආසවඤ්චෙව නඅනාසවඤ්ච ධම්මං පටිච්ච නආසවො චෙව නඅනාසවො ච ධම්මො උප්පජ්ජති හෙතුපච්චයා. නආසවඤ්චෙව නඅනාසවඤ්ච ධම්මං පටිච්ච නඅනාසවො චෙව නනො ච ආසවො ධම්මො උප්පජ්ජති හෙතුපච්චයා. නආසවඤ්චෙව නඅනාසවඤ්ච ධම්මං පටිච්ච නොආසවො චෙව නඅනාසවො ච නඅනාසවො චෙව නනො ච ආසවො ච ධම්මා උප්පජ්ජන්ති හෙතුපච්චයා. (3)

නඅනාසවඤ්චෙව නනො ච ආසවං ධම්මං පටිච්ච නඅනාසවො චෙව නනො ච ආසවො ධම්මො උප්පජ්ජති හෙතුපච්චයා. නඅනාසවඤ්චෙව නනො ච ආසවං ධම්මං පටිච්ච නආසවො චෙව නඅනාසවො ච ධම්මො උප්පජ්ජති හෙතුපච්චයා. නඅනාසවඤ්චෙව නනො ච ආසවං ධම්මං පටිච්ච නආසවො චෙව නඅනාසවො ච නඅනාසවො චෙව නනො ච ආසවො ච ධම්මා උප්පජ්ජන්ති හෙතුපච්චයා. (3)

නආසවඤ්චෙව නඅනාසවඤ්ච නඅනාසවඤ්චෙව නනොආසවඤ්ච ධම්මං පටිච්ච නආසවො චෙව නඅනාසවො ච ධම්මො උප්පජ්ජති හෙතුපච්චයා. නආසවඤ්චෙව නඅනාසවඤ්ච නඅනාසවඤ්චෙව නනො ච ආසවං ධම්මං පටිච්ච නඅනාසවො චෙව නනො ච ආසවො ධම්මො උප්පජ්ජති හෙතුපච්චයා. නආසවඤ්චෙව නඅනාසවඤ්ච නඅනාසවඤ්චෙව නනොආසවඤ්ච ධම්මං පටිච්ච නආසවො චෙව නඅනාසවො ච නඅනාසවො චෙව නනො ච ආසවො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව, ආරම්මණෙ නව…පෙ… අවිගතෙ නව (සබ්බත්ථ විත්ථාරො).