14. ආසවදුකං

1-7. පටිච්චවාරාදි

28. නොආසවං ධම්මං පටිච්ච නොආසවො ධම්මො උප්පජ්ජති හෙතුපච්චයා. නොආසවං ධම්මං පටිච්ච නනොආසවො ධම්මො උප්පජ්ජති හෙතුපච්චයා. නොආසවං ධම්මං පටිච්ච නොආසවො ච නනොආසවො ච ධම්මා උප්පජ්ජන්ති හෙතුපච්චයා. (3)

නනොආසවං ධම්මං පටිච්ච නනොආසවො ධම්මො උප්පජ්ජති හෙතුපච්චයා… තීණි.

නොආසවඤ්ච නනොආසවඤ්ච ධම්මං පටිච්ච නොආසවො ධම්මො උප්පජ්ජති හෙතුපච්චයා. නොආසවඤ්ච නනොආසවඤ්ච ධම්මං පටිච්ච නනොආසවො ධම්මො උප්පජ්ජති හෙතුපච්චයා. නොආසවඤ්ච නනොආසවඤ්ච ධම්මං පටිච්ච නොආසවො ච නනොආසවො ච ධම්මා උප්පජ්ජන්ති හෙතුපච්චයා. (3) (සංඛිත්තං.)

හෙතුයා නව, ආරම්මණෙ නව…පෙ… අවිගතෙ නව (සබ්බත්ථ විත්ථාරො).