1-7. පටිච්චවාරාදි

21. නසප්පටිඝං ධම්මං පටිච්ච නසප්පටිඝො ධම්මො උප්පජ්ජති හෙතුපච්චයා. නසප්පටිඝං ධම්මං පටිච්ච නඅප්පටිඝො ධම්මො උප්පජ්ජති හෙතුපච්චයා. නසප්පටිඝං ධම්මං පටිච්ච නසප්පටිඝො ච නඅප්පටිඝො ච ධම්මා උප්පජ්ජන්ති හෙතුපච්චයා. (3)

නඅප්පටිඝං ධම්මං පටිච්ච නඅප්පටිඝො ධම්මො උප්පජ්ජති හෙතුපච්චයා… තීණි.

නසප්පටිඝඤ්ච නඅප්පටිඝඤ්ච ධම්මං පටිච්ච නසප්පටිඝො ධම්මො උප්පජ්ජති හෙතුපච්චයා… තීණි. (සංඛිත්තං.)

හෙතුයා නව, ආරම්මණෙ එකං.

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

22. නසප්පටිඝො ධම්මො නසප්පටිඝස්ස ධම්මස්ස හෙතුපච්චයෙන පච්චයො. නසප්පටිඝො ධම්මො නඅප්පටිඝස්ස ධම්මස්ස හෙතුපච්චයෙන පච්චයො. නසප්පටිඝො ධම්මො නසප්පටිඝස්ස ච නඅප්පටිඝස්ස ච ධම්මස්ස හෙතුපච්චයෙන පච්චයො. (3)

නසප්පටිඝො ධම්මො නසප්පටිඝස්ස ධම්මස්ස ආරම්මණපච්චයෙන පච්චයො. නඅප්පටිඝො ධම්මො නසප්පටිඝස්ස ධම්මස්ස ආරම්මණපච්චයෙන පච්චයො. (2) (සංඛිත්තං.)

23. හෙතුයා තීණි, ආරම්මණෙ ද්වෙ, අධිපතියා චත්තාරි…පෙ… අවිගතෙ නව.