1-7. පටිච්චවාරාදි

26. නඅනුප්පන්නං ධම්මං පටිච්ච නඅනුප්පන්නො ධම්මො උප්පජ්ජති හෙතුපච්චයා. නඅනුප්පන්නං ධම්මං පටිච්ච නඋප්පාදී ධම්මො උප්පජ්ජති හෙතුපච්චයා. නඅනුප්පන්නං ධම්මං පටිච්ච නඅනුප්පන්නො ච නඋප්පාදී ච ධම්මා උප්පජ්ජන්ති හෙතුපච්චයා. (3)

නඋප්පාදිං ධම්මං පටිච්ච නඋප්පාදී ධම්මො උප්පජ්ජති හෙතුපච්චයා. නඋප්පාදිං ධම්මං පටිච්ච නඅනුප්පන්නො ධම්මො උප්පජ්ජති හෙතුපච්චයා. නඋප්පාදිං ධම්මං පටිච්ච නඅනුප්පන්නො ච නඋප්පාදී ච ධම්මා උප්පජ්ජන්ති හෙතුපච්චයා. (3)

නඅනුප්පන්නඤ්ච නඋප්පාදිඤ්ච ධම්මං පටිච්ච නඅනුප්පන්නො ධම්මො උප්පජ්ජති හෙතුපච්චයා. නඅනුප්පන්නඤ්ච නඋප්පාදිඤ්ච ධම්මං පටිච්ච නඋප්පාදී ධම්මො උප්පජ්ජති හෙතුපච්චයා. නඅනුප්පන්නඤ්ච නඋප්පාදිඤ්ච ධම්මං පටිච්ච නඅනුප්පන්නො ච නඋප්පාදී ච ධම්මා උප්පජ්ජන්ති හෙතුපච්චයා. (3) (සංඛිත්තං.)