22-20-21. සනිදස්සනත්තික-අජ්ඣත්තත්තිකද්වයං

67. නසනිදස්සනසප්පටිඝො නඅජ්ඣත්තො ධම්මො අනිදස්සනඅප්පටිඝස්ස අජ්ඣත්තස්ස ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ ඡ, අධිපතියා ඡ, පුරෙජාතෙ අත්ථියා අවිගතෙ ඡ.

නසනිදස්සනසප්පටිඝො නබහිද්ධා ධම්මො අනිදස්සනඅප්පටිඝස්ස බහිද්ධා ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ ඡ, අධිපතියා ඡ, පුරෙජාතෙ අත්ථියා අවිගතෙ ඡ.

68. නසනිදස්සනසප්පටිඝං නඅජ්ඣත්තාරම්මණං ධම්මං පටිච්ච අනිදස්සනඅප්පටිඝො අජ්ඣත්තාරම්මණො ධම්මො උප්පජ්ජති හෙතුපච්චයා… හෙතුයා තීණි.

නසනිදස්සනසප්පටිඝං නබහිද්ධාරම්මණං ධම්මං පටිච්ච අනිදස්සනඅප්පටිඝො බහිද්ධාරම්මණො ධම්මො උප්පජ්ජති හෙතුපච්චයා… හෙතුයා තීණි.

(සහජාතවාරම්පි පච්චයවාරම්පි නිස්සයවාරම්පි සංසට්ඨවාරම්පි සම්පයුත්තවාරම්පි පඤ්හාවාරම්පි විත්ථාරෙතබ්බං.)

ධම්මපච්චනීයානුලොමෙ තිකතිකපට්ඨානං නිට්ඨිතං.