7-1. පීතිත්තික-කුසලත්තිකං

34. නපීතිසහගතං නකුසලං ධම්මං පච්චයා පීතිසහගතො කුසලො ධම්මො උප්පජ්ජති හෙතුපච්චයා… හෙතුයා අට්ඨවීස.

නපීතිසහගතං නඅකුසලං ධම්මං පච්චයා පීතිසහගතො අකුසලො ධම්මො උප්පජ්ජති හෙතුපච්චයා… හෙතුයා අට්ඨවීස.

නපීතිසහගතො නඅබ්‍යාකතො ධම්මො පීතිසහගතස්ස අබ්‍යාකතස්ස ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ අට්ඨවීස, අධිපතියා අනන්තරෙ අට්ඨවීස…පෙ… උපනිස්සයෙ අට්ඨවීස, කම්මෙ චතුවීස, නත්ථියා විගතෙ අට්ඨවීස.