2-1. වෙදනාත්තික-කුසලත්තිකං

27. නසුඛාය වෙදනාය සම්පයුත්තං නකුසලං ධම්මං පච්චයා සුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං නකුසලං ධම්මං පච්චයා අදුක්ඛමසුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. ද්වෙ.

නදුක්ඛාය වෙදනාය සම්පයුත්තං නකුසලං ධම්මං පච්චයා සුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. නදුක්ඛාය වෙදනාය සම්පයුත්තං නකුසලං ධම්මං පච්චයා අදුක්ඛමසුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. ද්වෙ.

නඅදුක්ඛමසුඛාය වෙදනාය සම්පයුත්තං නකුසලං ධම්මං පච්චයා අදුක්ඛමසුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. නඅදුක්ඛමසුඛාය වෙදනාය සම්පයුත්තං නකුසලං ධම්මං පච්චයා සුඛාය වෙදනාය සම්පයුත්තො කුසලො ධම්මො උප්පජ්ජති හෙතුපච්චයා. ද්වෙ. (චත්තාරි ගණිතකෙන ද්වෙ ද්වෙ පඤ්හා කාතබ්බා.) හෙතුයා චුද්දස.

28. නසුඛාය වෙදනාය සම්පයුත්තං නඅකුසලං ධම්මං පච්චයා සුඛාය වෙදනාය සම්පයුත්තො අකුසලො ධම්මො උප්පජ්ජති හෙතුපච්චයා. නසුඛාය වෙදනාය සම්පයුත්තං නඅකුසලං ධම්මං පච්චයා දුක්ඛාය වෙදනාය සම්පයුත්තො අකුසලො ධම්මො උප්පජ්ජති හෙතුපච්චයා. හෙතුයා එකවීස.

29. නසුඛාය වෙදනාය සම්පයුත්තො නඅබ්‍යාකතො ධම්මො සුඛාය වෙදනාය සම්පයුත්තස්ස අබ්‍යාකතස්ස ධම්මස්ස ආරම්මණපච්චයෙන පච්චයො… ආරම්මණෙ චුද්දස.