1-19-20. කුසලත්තික-අජ්ඣත්තත්තිකද්වයං
23. නකුසලො නඅජ්ඣත්තො ධම්මො අජ්ඣත්තස්ස කුසලස්ස ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ අට්ඨාරස, අධිපතියා සොළස, උපනිස්සයෙ අට්ඨාරස, පුරෙජාතෙ අත්ථියා අවිගතෙ නව.
නකුසලො නබහිද්ධා ධම්මො බහිද්ධා කුසලස්ස ධම්මස්ස ආරම්මණපච්චයෙන පච්චයො. (සංඛිත්තං.) ආරම්මණෙ අට්ඨාරස, අධිපතියා ඡ, උපනිස්සයෙ අට්ඨාරස, පුරෙජාතෙ අත්ථියා අවිගතෙ නව.
24. නකුසලං නඅජ්ඣත්තාරම්මණං ධම්මං පටිච්ච අබ්‍යාකතො අජ්ඣත්තාරම්මණො ධම්මො උප්පජ්ජති හෙතුපච්චයා… හෙතුයා තීණි.
නකුසලං නබහිද්ධාරම්මණං ධම්මං පටිච්ච අබ්‍යාකතො බහිද්ධාරම්මණො ධම්මො උප්පජ්ජති හෙතුපච්චයා… හෙතුයා තීණි.