20-21-1. අජ්ඣත්තත්තිකද්වය-හෙතුදුකං

55. නඅජ්ඣත්තං නහෙතුං ධම්මං පටිච්ච බහිද්ධා හෙතු ධම්මො උප්පජ්ජති හෙතුපච්චයා.

නබහිද්ධා නහෙතුං ධම්මං පටිච්ච අජ්ඣත්තො හෙතු ධම්මො උප්පජ්ජති හෙතුපච්චයා… හෙතුයා ද්වෙ.

56. නඅජ්ඣත්තාරම්මණං නහෙතුං ධම්මං පටිච්ච අජ්ඣත්තාරම්මණො හෙතු ධම්මො උප්පජ්ජති හෙතුපච්චයා… ද්වෙ.

නබහිද්ධාරම්මණං නහෙතුං ධම්මං පටිච්ච බහිද්ධාරම්මණො හෙතු ධම්මො උප්පජ්ජති හෙතුපච්චයා… හෙතුයා ඡ.