1-96. කුසලත්තික-පරියාපන්නදුකං

32. නකුසලං නපරියාපන්නං ධම්මං පටිච්ච අබ්‍යාකතො පරියාපන්නො ධම්මො උප්පජ්ජති හෙතුපච්චයා. නඅකුසලං නපරියාපන්නං ධම්මං පටිච්ච අබ්‍යාකතො පරියාපන්නො ධම්මො උප්පජ්ජති හෙතුපච්චයා. නඅබ්‍යාකතං නපරියාපන්නං ධම්මං පටිච්ච අබ්‍යාකතො පරියාපන්නො ධම්මො උප්පජ්ජති හෙතුපච්චයා… හෙතුයා පඤ්ච.

නකුසලං නඅපරියාපන්නං ධම්මං පච්චයා කුසලො අපරියාපන්නො ධම්මො උප්පජ්ජති හෙතුපච්චයා. නකුසලං නඅපරියාපන්නං ධම්මං පච්චයා අබ්‍යාකතො අපරියාපන්නො ධම්මො උප්පජ්ජති හෙතුපච්චයා. ද්වෙ. (අකුසලමූලෙ ද්වෙ, දුකමූලෙ ද්වෙ.)… හෙතුයා ඡ.