14-19. ආසවගොච්ඡකං

14. නආසවං ධම්මං පටිච්ච ආසවො ධම්මො උප්පජ්ජති හෙතුපච්චයා. නආසවං ධම්මං පටිච්ච නොආසවො ධම්මො උප්පජ්ජති හෙතුපච්චයා. නආසවං ධම්මං පටිච්ච ආසවො ච නොආසවො ච ධම්මා උප්පජ්ජන්ති හෙතුපච්චයා. තීණි.

නනොආසවං ධම්මං පටිච්ච නොආසවො ධම්මො උප්පජ්ජති හෙතුපච්චයා. නනොආසවං ධම්මං පටිච්ච ආසවො ධම්මො උප්පජ්ජති හෙතුපච්චයා. නනොආසවං ධම්මං පටිච්ච ආසවො ච නොආසවො ච ධම්මා උප්පජ්ජන්ති හෙතුපච්චයා. තීණි.

නආසවඤ්ච නනොආසවඤ්ච ධම්මං පටිච්ච ආසවො ධම්මො උප්පජ්ජති හෙතුපච්චයා… තීණි. හෙතුයා නව.

15. නසාසවං ධම්මං පටිච්ච සාසවො ධම්මො උප්පජ්ජති හෙතුපච්චයා. නසාසවං ධම්මං පටිච්ච අනාසවො ධම්මො උප්පජ්ජති හෙතුපච්චයා. නසාසවං ධම්මං පටිච්ච සාසවො ච අනාසවො ච ධම්මා උප්පජ්ජන්ති හෙතුපච්චයා. තීණි.

නඅනාසවං ධම්මං පටිච්ච සාසවො ධම්මො උප්පජ්ජති හෙතුපච්චයා. එකං.

නසාසවඤ්ච නඅනාසවඤ්ච ධම්මං පටිච්ච සාසවො ධම්මො උප්පජ්ජති හෙතුපච්චයා. එකං. (සංඛිත්තං.) හෙතුයා පඤ්ච.

16. නආසවසම්පයුත්තං ධම්මං පටිච්ච ආසවසම්පයුත්තො ධම්මො උප්පජ්ජති හෙතුපච්චයා… හෙතුයා නව.

17. නආසවඤ්චෙව අනාසවඤ්ච ධම්මං පටිච්ච ආසවො චෙව සාසවො ච ධම්මො උප්පජ්ජති හෙතුපච්චයා… හෙතුයා නව.

18. නආසවඤ්චෙව නආසවවිප්පයුත්තඤ්ච ධම්මං පටිච්ච ආසවො චෙව ආසවසම්පයුත්තො ච ධම්මො උප්පජ්ජති හෙතුපච්චයා… හෙතුයා නව.

19. ආසවවිප්පයුත්තං නසාසවං ධම්මං පටිච්ච ආසවවිප්පයුත්තො සාසවො ධම්මො උප්පජ්ජති හෙතුපච්චයා… හෙතුයා පඤ්ච.