100-14-54. සරණදුක-ආසවාදිගොච්ඡකානි

91. සරණං ආසවං ධම්මං පටිච්ච නසරණො නොආසවො ධම්මො උප්පජ්ජති හෙතුපච්චයා. සරණං ආසවං ධම්මං පටිච්ච නඅරණො නොආසවො ධම්මො උප්පජ්ජති හෙතුපච්චයා. සරණං ආසවං ධම්මං පටිච්ච නසරණො නොආසවො ච නඅරණො නොආසවො ච ධම්මා උප්පජ්ජන්ති හෙතුපච්චයා.

සරණං නොආසවං ධම්මං පටිච්ච නඅරණො නනොආසවො ධම්මො උප්පජ්ජති හෙතුපච්චයා. හෙතුයා එකං.

92. අරණං සාසවං ධම්මං පච්චයා නසරණො නසාසවො ධම්මො උප්පජ්ජති හෙතුපච්චයා.

අරණං අනාසවං ධම්මං පටිච්ච නසරණො නඅනාසවො ධම්මො උප්පජ්ජති හෙතුපච්චයා. හෙතුයා එකං. (එතෙන උපායෙන සබ්බත්ථ විත්ථාරෙතබ්බං.)