100-1-6. සරණදුක-හෙතුදුකාදි

82. සරණං හෙතුං ධම්මං පටිච්ච නසරණො නහෙතු ධම්මො උප්පජ්ජති හෙතුපච්චයා… තීණි.

අරණං හෙතුං ධම්මං පටිච්ච නසරණො නහෙතු ධම්මො උප්පජ්ජති හෙතුපච්චයා. එකං… හෙතුයා චත්තාරි.

සරණං නහෙතුං ධම්මං පටිච්ච නඅරණො නනහෙතු ධම්මො උප්පජ්ජති හෙතුපච්චයා. එකං.

අරණං නහෙතුං ධම්මං පටිච්ච නසරණො නනහෙතු ධම්මො උප්පජ්ජති හෙතුපච්චයා. එකං… හෙතුයා ද්වෙ.

83. සරණං සහෙතුකං ධම්මං පටිච්ච නසරණො නසහෙතුකො ධම්මො උප්පජ්ජති හෙතුපච්චයා. එකං.

අරණං සහෙතුකං ධම්මං පටිච්ච නසරණො නසහෙතුකො ධම්මො උප්පජ්ජති හෙතුපච්චයා. එකං… හෙතුයා ද්වෙ.

සරණං අහෙතුකං ධම්මං පටිච්ච නඅරණො නඅහෙතුකො ධම්මො උප්පජ්ජති හෙතුපච්චයා. එකං.

අරණං අහෙතුකං ධම්මං පටිච්ච නසරණො නඅහෙතුකො ධම්මො උප්පජ්ජති හෙතුපච්චයා. එකං… හෙතුයා ද්වෙ.

84. සරණං හෙතුසම්පයුත්තං ධම්මං පටිච්ච නසරණො නහෙතුසම්පයුත්තො ධම්මො උප්පජ්ජති හෙතුපච්චයා. එකං. අරණං හෙතුසම්පයුත්තං ධම්මං පටිච්ච නසරණො නහෙතුසම්පයුත්තො ධම්මො උප්පජ්ජති හෙතුපච්චයා. එකං… හෙතුයා ද්වෙ. (සහෙතුකදුකසදිසං.)

85. සරණං හෙතුඤ්චෙව සහෙතුකඤ්ච ධම්මං පටිච්ච නඅරණො නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. එකං.

අරණං හෙතුඤ්චෙව සහෙතුකඤ්ච ධම්මං පටිච්ච නසරණො නහෙතු චෙව නඅහෙතුකො ච ධම්මො උප්පජ්ජති හෙතුපච්චයා. එකං… හෙතුයා ද්වෙ.

සරණං සහෙතුකඤ්චෙව න ච හෙතුං ධම්මං පටිච්ච නඅරණො නඅහෙතුකො චෙව නන ච හෙතු ධම්මො උප්පජ්ජති හෙතුපච්චයා. එකං.

අරණං සහෙතුකඤ්චෙව න ච හෙතුං ධම්මං පටිච්ච නසරණො නඅහෙතුකො චෙව නන ච හෙතු ධම්මො උප්පජ්ජති හෙතුපච්චයා. එකං… හෙතුයා ද්වෙ.

86. සරණං හෙතුඤ්චෙව හෙතුසම්පයුත්තඤ්ච ධම්මං පටිච්ච නඅරණො නහෙතු චෙව නහෙතුවිප්පයුත්තො ච ධම්මො උප්පජ්ජති හෙතුපච්චයා. (හෙතුසහෙතුකදුකසදිසං.)

87. සරණං නහෙතුං සහෙතුකං ධම්මං පටිච්ච නසරණො නහෙතු නසහෙතුකො ධම්මො උප්පජ්ජති හෙතුපච්චයා. එකං.

අරණං නහෙතුං සහෙතුකං ධම්මං පටිච්ච නසරණො නහෙතු නසහෙතුකො ධම්මො උප්පජ්ජති හෙතුපච්චයා. එකං… හෙතුයා ද්වෙ.

අරණං නහෙතුං අහෙතුකං ධම්මං පටිච්ච නසරණො නහෙතු නඅහෙතුකො ධම්මො උප්පජ්ජති හෙතුපච්චයා. හෙතුයා එකං.