1-1. හෙතුදුක-සහෙතුකදුකං

1. හෙතුං සහෙතුකං ධම්මං පටිච්ච නහෙතු නසහෙතුකො ධම්මො උප්පජ්ජති හෙතුපච්චයා. නහෙතුං සහෙතුකං ධම්මං පටිච්ච නහෙතු නසහෙතුකො ධම්මො උප්පජ්ජති හෙතුපච්චයා. හෙතුං සහෙතුකඤ්ච නහෙතුං සහෙතුකඤ්ච ධම්මං පටිච්ච නහෙතු නසහෙතුකො ධම්මො උප්පජ්ජති හෙතුපච්චයා. (සංඛිත්තං.) හෙතුයා තීණි, ආරම්මණෙ එකං…පෙ… අවිගතෙ පඤ්ච.

2. නහෙතුං සහෙතුකං ධම්මං පටිච්ච නනහෙතු නසහෙතුකො ධම්මො උප්පජ්ජති නහෙතුපච්චයා… (සංඛිත්තං.) නහෙතුයා එකං, නආරම්මණෙ තීණි…පෙ… නොවිගතෙ තීණි.

(සහජාතවාරම්පි…පෙ… සම්පයුත්තවාරම්පි පටිච්චවාරසදිසං.)

හෙතු-ආරම්මණපච්චයා

3. හෙතු සහෙතුකො ධම්මො නහෙතුස්ස නසහෙතුකස්ස ධම්මස්ස හෙතුපච්චයෙන පච්චයො. (1)

හෙතු සහෙතුකො ධම්මො නහෙතුස්ස නසහෙතුකස්ස ධම්මස්ස ආරම්මණපච්චයෙන පච්චයො. හෙතු සහෙතුකො ධම්මො නනහෙතුස්ස නසහෙතුකස්ස ධම්මස්ස ආරම්මණපච්චයෙන පච්චයො. හෙතු සහෙතුකො ධම්මො නහෙතුස්ස නසහෙතුකස්ස ච නනහෙතුස්ස නසහෙතුකස්ස ච ධම්මස්ස ආරම්මණපච්චයෙන පච්චයො. (3)

නහෙතු සහෙතුකො ධම්මො නනහෙතුස්ස නසහෙතුකස්ස ධම්මස්ස ආරම්මණපච්චයෙන පච්චයො. නහෙතු සහෙතුකො ධම්මො නහෙතුස්ස නසහෙතුකස්ස ධම්මස්ස ආරම්මණපච්චයෙන පච්චයො. නහෙතු සහෙතුකො ධම්මො නහෙතුස්ස නසහෙතුකස්ස ච නනහෙතුස්ස නසහෙතුකස්ස ච ධම්මස්ස ආරම්මණපච්චයෙන පච්චයො. (3) (සංඛිත්තං.)

හෙතුයා එකං, ආරම්මණෙ ඡ, අධිපතියා ද්වෙ…පෙ… අවිගතෙ පඤ්ච. (පඤ්හාවාරං විත්ථාරෙතබ්බං.)

4. හෙතුං අහෙතුකං ධම්මං පටිච්ච නහෙතු නඅහෙතුකො ධම්මො උප්පජ්ජති හෙතුපච්චයා. (1)

නහෙතුං අහෙතුකං ධම්මං පටිච්ච නනහෙතු නඅහෙතුකො ධම්මො උප්පජ්ජති හෙතුපච්චයා… තීණි. (සංඛිත්තං.) හෙතුයා චත්තාරි.