1-8. කුසලත්තික-දස්සනහෙතුත්තිකං

20. අකුසලං දස්සනෙන පහාතබ්බහෙතුකං ධම්මං පටිච්ච නඅකුසලො නදස්සනෙන පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.

අකුසලං භාවනාය පහාතබ්බහෙතුකං ධම්මං පටිච්ච නඅකුසලො නභාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.

අකුසලං නෙවදස්සනෙන නභාවනාය පහාතබ්බහෙතුකං ධම්මං පටිච්ච නකුසලො නනෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.

අබ්‍යාකතං නෙවදස්සනෙන නභාවනාය පහාතබ්බහෙතුකං ධම්මං පච්චයා නඅබ්‍යාකතො නනෙවදස්සනෙන නභාවනාය පහාතබ්බහෙතුකො ධම්මො උප්පජ්ජති හෙතුපච්චයා… හෙතුයා තීණි.