22-21. සනිදස්සනත්තික-අජ්ඣත්තාරම්මණත්තිකං

50. අනිදස්සනඅප්පටිඝං අජ්ඣත්තාරම්මණං ධම්මං පටිච්ච නඅනිදස්සනඅප්පටිඝො නඅජ්ඣත්තාරම්මණො ධම්මො උප්පජ්ජති හෙතුපච්චයා… හෙතුයා ඡ.

අනිදස්සනඅප්පටිඝං බහිද්ධාරම්මණං ධම්මං පටිච්ච නඅනිදස්සනඅප්පටිඝො නබහිද්ධාරම්මණො ධම්මො උප්පජ්ජති හෙතුපච්චයා. අනිදස්සනඅප්පටිඝං බහිද්ධාරම්මණං ධම්මං පටිච්ච නසනිදස්සනසප්පටිඝො නබහිද්ධාරම්මණො ධම්මො උප්පජ්ජති හෙතුපච්චයා. අනිදස්සනඅප්පටිඝං බහිද්ධාරම්මණං ධම්මං පටිච්ච නඅනිදස්සනසප්පටිඝො නබහිද්ධාරම්මණො ධම්මො උප්පජ්ජති හෙතුපච්චයා…පෙ… අනිදස්සනඅප්පටිඝං බහිද්ධාරම්මණං ධම්මං පටිච්ච නසනිදස්සනසප්පටිඝො නබහිද්ධාරම්මණො ච නඅනිදස්සනසප්පටිඝො නබහිද්ධාරම්මණො ච ධම්මා උප්පජ්ජන්ති හෙතුපච්චයා. හෙතුයා ඡ…පෙ… අවිගතෙ ඡ. (පඤ්හාවාරං විත්ථාරෙතබ්බං.)

ධම්මානුලොමපච්චනීයෙ තිකතිකපට්ඨානං නිට්ඨිතං.